أجمع التجارب الرائعة وأبعد عن معايير الإستهلاك

أجمع التجارب الرائعة وأبعد
عن معايير الإستهلاك

أجمع تجارب رائعة اكثر من جمع أشياء مادية للاسف الشديد المعايير المشوهة
للمجتمع اللي احنا بقينا عايشين فيه دلوقتي بقت بتأثر علينا بشكل كبير وبتخلينا
نقدر أوي الاشياء المادية ونقدر الفلوس وما نعرفش نستمتع غير لما نحس ان احنا
واخدين افضل حاجة ممكنة

رغم ان الحاجات العادية احنا ممكن نستمتع بها جدا ولكن معايير مشوهة مخليانا
ما نقدرش نشوفها انها ممتعة اصلا خليني اضرب لك مثال يوضح لك الفكرة اللي انا عايز
اقولها انت في خيالك دلوقتي عشان استمتع بالاجازة فانا لازم أقضي الاجازة دي في
افضل مكان ممكن زي جزر المالديف مثلا وده هيكلفك الاف الدولارات اللي هتخليك تشتغل
ممكن لسنوات عشان تقدر ان انت تجمع المبلغ الضخم ده وتشتغل بكل طاقتك تعمل كده في
حين ان انت لو فكرت في الموضوع فكرة مجردة كده هو ايه الفرق ما بين الشواطئ في
مطروح مثلا وشواطئ المالديف لو بصيت للموضوع من نظرة واسعة شوية هتحس ان ما فيش
فرق واضح بصراحة رغم ان التكلفة اللي انت هتدفعها في مطروح لا تتجاوز 1% من
التكلفة اللي انت هتدفعها في جزر المالديف للاسف شديد ما بقيناش بنقدر الحاجات
اللي حوالينا ما بقيناش بنقدر الناس اللي حوالينا ما بقيناش بنقدر العواطف اللي
موجودة في حياتنا ما بقيناش بنستمتع بمناظر عادية وباشياء عادية المفروض ان احنا
نستمتع بها لكن المعايير المشوهة خلتنا فاكرين ان دي حاجات عادية ودي حاجات لا
تمثل متعة المية الساقعة في وقت ما تكون عطشان هي في حد ذاتها متعة كبيرة جدا
تستاهل ان انت تستمتع بها مشهد بنتك الصغيرة وهي بتلعب بالعروسة بتاعتها في شكل
درامي المفروض ان هو يملاك بالسعادة بس ايه اللي بيخليك ما تستمتعش بالحاجات دي؟ بتفاجئ
لما بكون رايح مشوار وبلاقي اولادي الصغيرين انهم فاتحين شباك العربية ومطلعين
راسهم برة ومستمتعين بالهواء اللي بيجي على عينيهم واللي بييجي على شعرهم وبينظروا
لكل حاجة موجودة في الطريق نظرة اعجاب شديد ونزرة استمتاع في حين ان انا راكب
العربية حاسس ان مفيش اي حاجة ممتعة حواليا الفرق بيني وبينهم ان هما لسة على
الفترة وانا شوهت افكاري المعايير المشوهة اللي موجودة في المجتمع

في الحقيقة يا صديقي العالم مليان سحر من حوالينا بس احنا اللي لابسين نضار مخليانا
مش قادرين نشوف السحر ده ويمكن السوشيال ميديا وجو المقارنات اللي احنا عايشين فيه
24 ساعة ده هو سبب رئيسي برضو في المعايير المشوهة اللي بقت عندنا ممكن تكون متعود
ان انت بتروح مطروح وبتبقى مبسوط جدا فيها وبشواطئها ولكن لما تعرف ان صاحبك السنة
دي هيصيف في المالديف فبتبص لمطروح نظرة ان هي خلاص ما بقتش بتلبي احتياجات ما
بقتش بتستمتع بها ايه اللي حصل؟

ما كنت بتستنى الاسبوع اللي هتقضيه هناك من السنة للسنة اللي حصل إن بقى في
تشوه في معاييرك نتيجة المقارنة أوعى تربط ما بين الاستمتاع بالاشياء اللي حواليك
وما بين قيمتها المادية مش شرط الحاجة تكون غالية او لها قيمة مادية كبيرة عشان
تقدر تستمتع بها انت ممكن تستمتع بحاجات مش هتكلفك ماديا أي شيء اوعى تضحي بجودة
حياتك عشان تحصل على وظيفة بدخل مادي اكبر وعشان كل اللي قلناه ده خليك زي ما قلت
في بداية الفيديو خليك جامع للتجارب الرائعة عش كل حاجة واستمتع بكل حاجة حواليك
كانها تجربة جديدة وجرب اي حاجة بتتعرض عليك سواء مكان جديد او آكلة جديدة مش شرط
قيمتها المادية تكون عالية خلي حياتك بسيطة وابعد عن نمط الاستهلاك اللي بقينا
كلنا عايشين فيه بقينا مستهلكين لاي شيء وكل شيء ابعد عن التفكير السطحي والتفكير
التافه وحاول في كل حاجة تكون بتفكر بعمق وساعتها هتقدر تكتشف روعة الحياة وروعة
كل حاجة حواليك