أصحاب التفكير المفرط او التفكير الزائد؟

 

أصحاب التفكير المفرط او التفكير الزائد؟

كلامنا النهاردة هيكون على الاشخاص اللي بنسميهم Chronic overthinker الاشخاص أصحاب التفكير المفرط او التفكير الزائد؟

اللي هم بمنتهى البساطة بنلاقيهم طول اليوم وكل يوم مقضيين وقتهم في تخيل اسوأ سيناريوهات والاحداث

وخوف مبالغ غير مبرر اتجاه المستقبل وتلاقيهم بيفكروا في امور حصلت وبيبالغوا في تحليلها ويقعدوا يعيدوا الاحداث مرارا وتكرارا لحد ما تحس ان عقلهم فاضل انه يصرخ فيهم من كتر الارهاق والاستنزاف اللي بيحصل

الحقيقة ان في اضرار كتيرة وخطيرة لاصحاب التفكير المفرط او تفكير ازاي؟ زي مثلا ارهاق المخ واللي ممكن يسبب مشاكل وأمراض كتيرة جدا زي الزهايمر والقلق المزمن والاكتئاب وفقدان الشهية تلاقي كمان الناس اللي عندها التفكير المفرط او التفكير الزايد ساعات نومهم بتبقى قليلة ونوعية النوم بتبقى سيئة وبتلاقي عندهم آرق باستمرار

كمان تلاقي في تراجع في الابداع والابتكار لان المخ مرهق من كتر التفكير الزايد تلاقي كمان في تأثير سلبي على المهارات الاجتماعية وقدرتهم على تكوين الصداقات بتبقى محدودة او ضعيفة

هل التفكير الزايد ده مرض نفسي؟ يستدعي مثلا ان انا اروح لطبيب متخصص بداية او قبل كل شيء لازم تثق ان التفكير الزايد هو الا عادة سيئة لازم ان انت تحاول تتخلص منها والحمد لله لا هي اضطراب ولا هي مرض نفسي ولكن بعدم السيطرة عليها ممكن الحالة تتطور وتسبب امراض نفسية ومشاكل حقيقية هتحتاج منك بعد كده ان انت تزور طبيب متخصص علشان يشخص حالتك

وده لو بدأ التفكير الزايد يخلي نظرتك للحياة تشاؤمية وبدء يسبب ويجيب لك شلل في الحياة الشخصية والمهنية وفي علاقاتك مع الناس اعمل ايه لو انا باعاني من التفكير الزايد او التفكير المفرج؟ اول حاجة واهم حاجة لازم يكون عندك وعي بانك بتعاني من المشكلة دي ويبقى عندك رغبة حقيقية في التخلص منها وبالتالي تنتبهي كده وتصحصح لنفسك لما تلاقي هتبدأ انك تدخل في مرحلة التفكير الزائد؟

 كمان لما تحس ان التفكير الزايد بيحاول ان هو يتمكن منك مهم انك تصرف انتباهك عن التفكير الزايد وتشغل نفسك بنشاطات تستمتع بها يعني لو بتحب القراية اقرا لو بتحب تلعب رياضة العب رياضة لو بتحب تنزل تقابل اصحابك انزل قابل اصحابك

المهم ان انت تعمل عملية الهاء لنفسك في الوقت اللي حاسس ان التفكير المفرد ممكن ان هو يتمكن منك ، كمان تمارين التنفس واليوجا والتأمل بتساعد كتير جدا في تقليل التفكير الزايد لانها بتخلصك من التوتر والقلق والشعور بالضغوط

حاجة مهمة جدا ما حدش هيقدر يقنعك بها غير نفسك وهي ضرورة ان يكون عندك واقعية وتسليم بالقدر ، الحياة فيها الكتير من الصعوبات وبعض من الصعوبات ديت هي امور مش هتقدر ان انت تغيرها لانها مقدرة وحتمية ، اللي تعمله كانسان ناضج وفاهم أمور دينه وخايف على نفسه هو التسليم بها والرضا بها وتقبلها وانك دايما تحاول تبص على الامور الايجابية في حياتك وتخليها هي اللي شاغلة تفكيرك

وفي النهاية لو حسيت انك مش برضه تسيطر على التفكير الزايد مش عيب خالص انك تطلب المساعدة ودور على ناس متخصصة لانهم ممكن يساعدوك في تغيير نمط تفكيرك