أفضل أقراص الماغنسيوم و إستخدامتها ….

 

أفضل أقراص الماغنسيوم و إستخدامتها ….

يا دكتور عرفنا ان المغنيسيوم هو الماستر كيه لوظايف كتيرة قوي في جسمنا وان هو ملك المعادن لانه ناقصه بيؤدي الى أعراض وأمراض كتيرة بتأثر على وظايف الجسم كلها العضوية وكمان العقلية وان احنا لازم ناخده من مصادره الطبيعية هو الاساس اللي هو موجود في حاجات كتيرة زي المكسرات على رأسها اللوز والجوز وكمان الكاجو موجود في الشوكولاتة الداكنة وموجود في الافوكادو وموجود في الخضروات زي السبانخ وموجود كمان في البقوليات وموجود عندنا في الاسماك زي الماكريل وموجود في حاجات تانية كتير حوالينا قلناها قبل كده طيب لو ناقص عندي وعندي أعراض معينة قلت لنا ان في انواع سيئة جدا لو علينا حتى مجانا وعليها هدية ان احنا ناخدها ما ناخدهاش لان حقيقي ما فيش منها الا الاعراض الجانبية

 وللاسف الشديد هي الاكثر مبيعا على مستوى العالم وهنبدأ بهم لما تشتري الماغنيسيوم او يتوصف لك وتروح تجيبه لازم تقرا مادة الماغنيسيوم اللي جواه عبارة عن ايه? لو لقيتها عبارة عن ماغنسيوم او كلوريد أو كربونات للاسف الشديد هم دول أكتر تلت انواع سيئة من المغنيسيوم لان نسبة الامتصاص بتاعتهم بتتراوح من خمسة الى عشرين في المية بس وبالتالي مهما اخدت منها من كمية ما بتعطيش لك الكميات اللي مطلوبة يوميا اللي احنا قلنا عليها مطلوب للرجل حوالي 420 يوميا. وللسيدات حوالي 320، وطبعا تزيد مع زيادة المجهود ومع الحمل والرضاعة والناس اللي عندها مجهود عضلي وبدني وعقلي اكتر من الايه من الناس العادية

 طيب ده الانواع السيئة الانواع الكويسة ايه هي? الانواع المفضلة هنقولهم طبعا بتختار على حسب العرض اكتر حاجة حضرتك بتشتكي منها ، فمثلا هنبدأ على طول مثلا لو فيها العرض اللي عندك هو اكتر عرض هو مثلا الامساك يبقى بتختار المغنيسيوم سيتريت بيستخدم للناس اللي عندها إمساك بسبب نقص المغنيسيوم

 طيب الناس اللي عندها نقص في الطاقة الجسدية بتقول ان انا خلاص زي ما يكون مطفي ما عنديش قدرة على العمل وما عنديش قدرة على التركيز إنهي نوع بنستخدم فيها نوع المغنيسيوم ثريونيت وده بس ده أغلاهم بيستخدم بس لو فعلا الطاقة عندك قليلة جدا البدنية والعقلية

طيب لو عندي الام في العضلات وشد في العضلات والام في عضلات رقبتي طول الوقت عضلات جسمي بتوجعني او في عندنا حاجة اسمها يعني الناس اللي ما بتعرفش تنام عشان التشنجات بتحصل في رجلها او الناس المشخصة فيبروميلوجي في عندنا نوعين مهمين قوي اللي هو او المغنيسيوم متليت أو أورتيت الاتنين فيهم دول بينفعوا جدا فيها

 طيب لو عندي الناس اللي عندها سكر او ضغط وعندها نقص في المغنيسيوم او عندها صداع نصفي بنستخدم الماغنيسيوم اسمه تيوريت

 طيب دول اكتر الانواع وافضلهم اللي انا حكيتهم دول على حسب العرض اللي موجود ، مدة العلاج عايزينها تكون في حدود من شهرين الى اربع شهور لما بتستخدم مكملات المغنيسيوم ما هي مش الاساس الاساس ان انا اغير نمط الحياة واخده من مصادره الطبيعية. لكن في فترة العلاج بتاخد بالك ان حبوب الماغنسيوم ما بتتاخدش مع الحاجات اللي انا هقولها ما بتتاخدش مع مضاد الحموضة ، مضاد حيوي  هرمون الاستروجين ، مدر البول، كورتيزول و أقراص منع الحمل ، لابد أن يكون في فرق 3 ساعات علي الاقل