تأثير الحالة النفسية و العصبة علي جهاز المناعة

تأثير الحالة النفسية و
العصبة علي جهاز المناعة

ما لاحظتش ان انت او انت بتعيي كتير الايام دي او تشوف حد حواليك انه دايما
بيخرج من دور برد على دور برد على دور برد على دور برد او ايا كان المشكلة الصحية
حتى لو بنتكلم في تخصصي عظام لازم من وجع في الكلف يطلع على الكتف التاني وبعد كده
يطلع على الضهر وكلام من ده فما سألتش نفسك ليه الحاجات دي بتتكرر كتير
؟

مع انه ممكن يكون واحد صغير في السن او واحد كبير بس ما عندوش اي امراض
مزمنة انا هنقول لك دلوقتي ودي ثبتت بالدراسات العامل النفسي الاستريس العصبية
فاهم ازاي؟

فيه علاقة مباشرة جدا ما بين الحالة النفسية اللي هي الاستريس يعني او
العصبية لو انت من النوع اللي بتتعصب كتير وكلام من ده ومع جهاز المناعة بتاعك
خلاص؟ علاقة متضاربة يعني كل ما بيزيد العصبية كل ما بتقل المناعة عندك طب ده ازاي
بيحصل؟

موضوع بسيط ده الإسترتس او العصبية الزيادة دية وطبعا احنا عايشين في زمن يعني ده شيء طبيعي ان انا بصحى بخناقة وبمسي بخناقة خلاص اذا كان في البيت ولا برة البيت فده معناها انه العصبية دية بتقلل من إن الجسم يكون حاجة اسمها الانفوسايد ، الانفوسايد دي عبارة عن خلايا وسيلة من وسائل الدفاع في الجسم موجودة في الدم فلما بيقلل من عددها وبالتالي بيكون الجسم المناعة بتاعته قليلة

 الحاجة التانية انه العصبية والاستريس كل ما بيزيد كل ما بيزيد معاه كمان
افراز هرمون اسمه الكورتيزول وده عبارة عن اللي هو زي الكورتيزون بره فده مهم جدا
الكورتيزول ده كان مضاد للالتهابات ده احنا مفيد بس لما بيزيد لفترات طويلة بيأثر
على جهاز المناعة وبيقلل كفائته وطالما انت بتقلل كفاءة المناعة بتاعتك معناه ان
انت عارضة ان انت تتلطش في فيروس باي شكل من الاشكال فهمت ازاي؟

أو في مرض أو كلام من ده او ما بتخفش يعني أو المرض بتاعك بيقعد لفترات
طويلة فخلي بالك انه الحالة النفسية مهمة جدا طبعا في حاجات ظروف خارجة عن ارادتنا هتقول لي انا اعمل ايه وكلام من ده بس انا ما علي غير النصيحة انه الاستريس الكتير يبقى ما تستغربش ان مشاكلك الصحية بتزيد ومشاكلك أو المشكلة اللي انت فيها ما بتخفش فدي حط في بالك بس مشوار للدكتور عشان يديك مسكن في عامل تاني لازم برضو
تقضي عليه اللي هو العامل النفسي حاول ان انت تخرج برة الجو ده خد لك زاوية كده ابعد فيها على أساس تخف وبعد كده اتخانق تاني