مفيش سر للنجاح أو التفوق

مفيش سر للنجاح أو التفوق

أنا مرة فضلت أبعت كل يوم لمجة 9 ساعات لمدة 6 شهور إيميلات لجامعات أجنبية لحد ما أتقبلت فمنحة بحثية

و أنا فثانوي حليت 5 كتب مسائل فيزياء رغم أفكارهم اللي كانت متكررة .

وأنا ذاكرت إنجليزي لمدة 10 ساعات يوميا لمدة 6 شهور لغاية ما أتقبلت في Vodafone uk

و أنا كنت ضعيف جدا في الرياضة جبت كتابين و تابعت 3 قنوات علي اليوتيوب رغم إني كنت ضعيف في الرياضة ومش طايقها لغاية ما بقيت ما بقيت أقدر أِرح و أحل أي مسألة رياضة في أي كتاب بعد 4 شهور من المرمطة دي

وأنا فضلت أروح علي الجيم ومحافظ علي آكلي لمدة 3 سنين ..!

وأتمرن لحد ما طلعت أو لجمهورية في الكونج فو

” الحقيقة دول مش أنا … بس دول ناس أنا أعرفهم شخصيا و المشترك ما بينهم كلهم حاجه واحدة ، الناس دي تقبلت الملل و التكرار و الجوع و الجهد و الساعات الطويلة المملة في المذاكرة و التمرين … عشان الناس دي أقتنعو و فهموا كويس …. إن مفيش طريق تاني عشان تحقق ذاتك و ترتاح نفسيا غير العمل الشاق و عدم الإستسلام  … مفيش سر للنجاح أو التفوق