أنت مين؟ الحلقة الثانية – الفقرة 12 من أصل 19
د/ محمد طه: صح كده، ده في منتهى الأذى، فالمهم بقى نبقى واعين أن أحنا منبقاش حاجه من التلاته دول مش هبقى مين فيهم أنا مبقاش واحد منهم خالص، هو أنا هبقى أنا البني آدم اللي بيغلط وبيفشل وبيضغط.
أ/ نشوى: طب والمنقذ يا دكتور الشخصية اللي منقذة هل ممكن تتصدى للجانية ولا هي بس تروح للضحية؟
د/ محمد طه: هو علاقتها بتبقى أكتر مع الضحية وفي بعض الأوقات ممكن تتصدى للجاني بس أكتر العلاقة وأكثر استهلاكها في العلاقة تكون مع الضحية عشان ده اللي يضمن أن الضحية تبقى عليا طول الوقت وتسيب الضحية دي تروح لضحية تاني وتسيب دي تروح لضحية تاني بلا نهاية بلا شبع، يبقى دول الثلاث الشخصيات.
أ/ نشوى: المتفاعلة مع بعضها في الحياة.
د/ محمد طه: أحنا قلنا بقى في أول الحلقة اللي فاتت ذي ما في أدوار أو شخصيات أنا بلبسها في أدوار أو شخصيات حد بيلبسهالي دي بقى هي يعني ده يمكن الجزء الأخير في كلامنا وأنا أتكلمت عند ده طول الحلقتين.
أ/ نشوى: أسمحلي بس حضرتك الفت نظر المشاهدين لحاجه مهمة أووي أن التلات شخصيات الجاني والضحية والمنقذ اللي حضرتك كلمتنا عنهم أن هما الحقيقة تعرضوا لرسائل غلط بياخدوا قرار التكوين ده في سن خمس سنين، صح كده؟
د/ محمد طه: أنا بقرر ده بيسموه يعني في بقرر في السن ده حياتي هيبقى عامل أزاي وده مش بيبقى قرار واحد ده بيبقى مجموعة قرارات أنا علاقتي هتبقى كذا أنا هبقى كذا أنا مش هنجح في بعض القرارات أنا مش هكبر، أنا صوتي مش هيعلى، أنا مش هعترض انا هبقى جاني أنا هبقى منقذ،
