أهم فيتامينات مؤثرة علي
الشعر
نتكلم النهاردة ان شاء الله عن الشعر وايه هي اهم مشاكل تساقط الشعر؟ وايه
هي الفيتامينات اللي المفروض أحافظ عليها وامشي عليها عشان نمو شعري بصورة صحية
وبصورة طبيعية طيب ايه هي اسباب تساقط الشعر؟
ممكن واحد يبقى عنده إنيميا نقص في عنصر الحديد ممكن واحد يبقى عنده نقص في فيتامين دال ممكن واحد يبقى عنده مشاكل
في الغدة الدرقية ممكن واحد يبقى بيعرض شعره بالحرارة بصورة مستمرة ومع الوقت شعره
بيضعف وبيبدأ يتساقط طيب ايه أهم الفيتامينات المفروض احافز عليها وامشي عليها
عشان نمو شعري بصورة صحية؟
عندي اول حاجة فيتامين بي كومبلكس
البي كومبلكس ده مش مجرد للشعر لا ده بيلعب دور اساس في الوظايف الحيوية للجسم كله
بيلعب دور اساسي في العضلات في تجديد الخلايا في الجهاز العصبي بصورة أساسية اللي
هي الاعصاب بيلعب دور أساسي في نمو الشعر طيب نديه كومبليكس عندي زي البيوتين ، البيوتين
ده بيحتوي على الكيراتين والكيراتين له دور أساسي في تكثيف الشعر وزيادة نعومته بصورة
اساسية طيب ومن الفيتامينات برضو المهمة البي وان ، 6 ، 2
عندنا تاني فيتامين هنتكلم عنه هو فيتامين اي وده من الفيتامينات المهمة جدا
للشعر وده بيلعب دور اساسي في ان هو بيوصل الاكسجين للدم فبيزود الدورة الدموية في
فروة الراس وبالتالي بيحفز نشاط بصيلة الشعر ونموها بشكل اسرع طيب لو حطينا
فيتامين E على الشعر بصورة او
دايركت على
فروة الراس ده بيقلل من التهابات الراس وبيعالج تلف الشعر او بصيلة الشعر طيب
عندنا تالت فيتامين هو فيتامين A وفيتامين A
ايه بيلعب اساسي في ان هو بيحفز بصيلة الشعر على انها تخرج الزيوت
او المواد الدهنية فبتساعد على ترطيب الشعر ونعومة الشعر والفيتامينات الاساسية
برضو الزنك والحديد وفيتامين C لانه مضاد للأكسدة طيب هنتكلم عن الادوية اللي
فيها الفيتامينات للشعر في السوق وهنتكلم عن الادوية المستوردة الادوية اللي في
السوق المصري عندي برفكتيل حاجة زي من الادوية المحترمة قوي في السوق المصري
جرعتها من حباية لحبايتين يوميا اه فيها كل العناصر اللي جسمي محتاجها فيها فيها
فيتامين ايه فيها فيتامين سي فيها فيتامين اي الادوية الكويسة جدا وموجودة في
السوق المصري طيب هنيجي نتكلم بقى عن النينجا اللي هي اه الهيرتونيك وهنتكلم عن
الدواين دول اه ادوية محترمة قوي وتركيز العناصر فيها كويس قوي بس ليه أثار جانبية
او مشكلة الناس لاحظتها ان هو يخرج شعر في الجسم كله طيب ، بالنسبة للبرفيكتيل هو
طبعا بيطلع الشعر في الجسم كله بصورة قليلة لانه بيركز اكتر على فروة الراس وعندنا
ادوية مستوردة زي البيوتين وعندنا زي البريورين والادوية دي من الادوية المستوردة
الكويسة جدا للشعر
