إنتي مين؟! 1 – فقرة 2 من أصل 17
علمتني يعني أية حياة زوجية رغم أنها ماتت وأنا عمري 17 سنة علمتني من غير ما تتكلم معايا علمتني بالتصرف شوفتها وهي بتعمل كل حاجة حلوة للبيت على حساب صحتها شوفتها وهي بتحمي البيت من أي مشاكل تحاول تدخلوا مهما كان حجمها شوفتها وهي بتعامل أبويا كصديقة وزوجة وأم اكتشفت لما أمي ماتت أنها طول الوقت كانت مخلية بابا مع انشغاله في الحياة هو الغائب الحاضر في البيت بمنطق يأخبر لو بابا عرف طب استنه لمي أقول لبابا لمي نعرض عليها حاجة نكون عايزينها وتكون هي هتاخد القرار لكن ديما تحسسنا إن بابا هو صاحب القرار الأول والأخير وإن بابا لو عرف هتبقي مصيبة لو كنا عاملين مشكلة أو أي غلط لكن مع أول موقف روحت أسال في أبويا بعد أمي ما ماتت لقيتة بيسالني هي ماما كانت بتعمل إيه؟ فعرفت في اللحظة دي إنها كانت بتربي فينا أحترام الأب طول الوقت كصوره لا يمكن تجاوزها حتى لو غاب بسبب مشاغله طيب البنات كمان محتاجة إيه عشان يتربه صح؟ أقولكم البنات محتاجين إننا نديهم الثقة في نفسهم نعاملهم باحترام نوعي فيهم الضمير نكبر فيهم العقل محتاجين نشرح ليهم دورهم في الحياة وأهمية كونهم بنات محتاجين نعرفهم يعني إيه راجل ويعني إيه ست أيوه يعني إيه راجل ويعني إيه ست وأكد على الجملة دي لأني رافضة لأي كلام بيتقال عن تمييز الراجل عن الست وحقوق المرأة والمساواة والرأس برأس مش لشيء غير إني مع حقوق البني ادم واحترامه أي إن كان راجل أو ست وبالتالي أنا برفض المزايدات في الكلام ده مع احترامي للمحترمين والمحترمات يعني أنا لمي اتكعبلت في حياتي
