أ/ نشوى: أحنا عندنا شنيطين نموذج عشان أحنا كنا بنقول هيبقى عندنا نماذج للشنط دي شنطة البنات ودي شنطة الولاد، أفتح يا مولانا وشوف اللي جواها.
أ/ محمد فتحي: أنا معجب وخيلنا بردوا نقول للناس إن أحنا مش عايزين بردوا نعمل شنط ونرميها وخلاص لا لازم الجوة بتاعتها تبقى كويسة لأن عندنا ولأدنا يعني حضراتكوا عندكوا ولاد أكيد، الشنط دي بتبقى عارضة بيحطوها عارضة للي بيلعبوا كوره فلازم الجودة تبقى كويسة عشان كمان الفترة الجاية تقدر الشنطة دي تصمد للسنة اللي بعدها، فأنا الحقيقة فتحت الشنطة أهو.
أ/ نشوى: طيب أحنا معانا الأقلام الأول الشنطة لازم يبقى فيها رابيا ومعانا أستيكا ومعانا أقلام رصاص، ومعانا مسطرة وقلم جاف ومعانا علبة الألوان، علبة الألوان مهمة أووي عشان هي اللي هتلون أيامهم وهي اللي هتخليهم يبدعوا أكتر ومعانا الكشاكيل والكراسات.
أ/ محمد فتحي: جميلة وبعدين عليها يعني بتناسب الأطفال اللي في المرحلة دي يعني الشخصيات بتاع مارو وبتاعت.
أ/ نشوى: أنت مستهدف ليه انك توزع ال 10 آلاف شنطة على مراحل قد أيه؟
أ/ محمد فتحي: أنا مستهدف المرحلة الابتدائية في الأساس ومستهدفهم القرى الأكثر احتياجا والعشوائيات بنتكلم تحديدًا عن القرى الأكثر احتياجا والعشوائيات.
أ/ نشوى: والمرحلة الابتدائية مستهدفنها السنة دي.
أ/ محمد فتحي: مين بيساعدنا في ده عشان الناس تسأل طب أنت هتعروفهم أزاي القواعد والبيانات بتاعتهم منين، بنتكلم على قاعدين للبيانات قاعدة بيانات من وزارة التضامن الاجتماعي اللي عندها أسماء الجمعيات واللي عندها أسماء الحالات المستحقة واللي عندها كل التفاصيل والقاعدة الثانية قاعدة بيانات لها علاقة بوزارة التربية والتعليم بنفسها لأن في داخل المدارس بيوجد واحد محترم أسمه الأخصائي الاجتماعي
