مساء الخيرات على حضراتكم وأمنياتي لكم بالخير يا رب اسمحوا لي في بداية الحلقة النهاردة إن امتنانًا واعترافًا بفضل زمايلي في هذه القناة على هذا البرنامج أننا الحقيقة أشكرهم كلهم الحقيقة مش عايزة أقول أسامي عشان مش عايزة أنسى حد، ومش عايزة أزعل حد، ومش عايزة يعني… أتجاهل فضل حد بشكر كل زمايلي في برنامج تحياتي لأن لهم الفضل الحقيقة حتى كمان الحقيقة اللي قام دلوقتي وعمل صوت وهو قايم من على الكرسي، فالشكر موصول ليه و… بجد أنا مش عارفة أقولكم ايه لولاكم أنا مكنتش عملت حاجه ممكن الناس تقول عليها كويسة لولاكم مكناش أدمنا ده الفضل للي ورا الكاميرا أكتر بكتير من اللى قاعد أدام حضراتكم الشكر موصول لكل زمايلي فتحياتي ليهم؛ سعيدة بالشغل معاكم لأكتر من سنة ونصف بكل ماتعنيه الكلمة أنا ممتنة للغاية لكل أدائكم وكان نفسي أكيد في يوم لازم نطلع كلنا في حلقة نقول للناس أن دول الأبطال ودول الناس الطيبين اللي يستحقوا الشكر الحقيقة. أخص بالشكر واسمحوا لي العزيز الأستاذ (اسماعيل بيومي) المونتير ال… والمخرج اللى أخرج حلقة إمبارح الحلقة اللي هي كانت خاصة بمصانع قادر لصناعة المدرعة فهد، وإنتاج عربيات المطافي، والجيب المدرعة، وعربيات التلاجات، ومصنع سيماف لإنتاج عربيات القطارات المكيفة، وعربيات البضايع، وعربيات المترو المكيفه كمان. الشكر واجب الحقيقة على خروج الحلقة بالشكل اللي حضراتكم شوفتوه، وكمان كنتم حاسيين بكل لقطة وكل خطوة فيها، وكل أيد كانت شغاله في قلب الكدر؛ لولاهم مكنتش قدرت أقدم لحضراتكم الصورة دي فتحياتي للجميع وقبل مانسيب حلقة أمبارح أفكركم ببعض الحاجات اللي قولناها فيها وتستحق التوقف عندها.