الخوف من اسوأ المشاعر الانسانية اللي الواحد ممكن يحس بيها.. من الطبيعي جدا اننا نخاف لكن اللي بيفرقنا عن بعض هو ازاي بنتعامل مع مشاعر وأفكار الخوف؟
الخوف من اسوأ المشاعر الانسانية اللي الواحد ممكن يحس بيها.. من الطبيعي جدا اننا نخاف لكن اللي بيفرقنا عن بعض هو ازاي بنتعامل مع مشاعر وأفكار الخوف؟
هل بنسيب الخوف يقيدنا ويشلّ حركتنا ولا بنواجهه وبنتغلب عليه؟
بعض أمثلة الخوف:
خايف لو سِبت الشغل اللي مش بتحبه، متلاقيش غيره ؟
خايف لو تمردت أو سِبت العلاقة اللي انتي فيها، متلاقيش حد تاني يحبك ؟
خايف تبتدي علاقة جديدة عشان مايتكررش الوجع اللي حصل قبل كده ؟
خايف تاخد المخاطرة وتبتد المشروع ويفشل ؟
خايف من المستقبل المجهول ؟
خايف تخرج من دايرة الراحة ؟
خايف من فقدان الأهل والسند ؟
خايف تثق في الناس بسبب الخذلان ؟
خايف تقبل فرصة الشغل عشان فيه سفر ؟
خايفة تقبلي الجوازة عشان فيها صعوبات أو تحديات كتيرة ؟
الخوف عامل بالظبط زي سلاسل حديد رابطة رجليك، بتقيدك انك تخطي أي خطوة لقدام.. تحب تشوف نفسك محبوس وأنت في جيبك المفتاح !!؟؟ مش بأطلب منك ان مخاوفك تكون أقل ولا تحاول تكون أكتر شجاعة… لكن بأطلب منك انك تستمر رغم المخاوف.. بأطلب منك تكمل المشوار وتفضل تتقدم في الحياة برغم كل المخاوف والتحديات (مش في غياب المخاوف لكن بالرغم منها !)
أشجعك تخاف نوع تاني من الخوف.
مهندس منسي
