إحنا كمسلمين بعيد عن ربنا سبحانه وتعالى، أكيد لو إحنا قريبين من ربنا سبحانه وتعالى وبنصلي وعارفين ربنا وعارفين يعني إيه الدين الإسلامي بتاعنا أكيد هتبقى أخلاقنا كويسة.
حاجات كتير يعني الناس إنهاردة بقت شغلها الشاغل المادة، ممكن نقول برضه الإعلام ليه دور المفروض الإعلام يوجه للأخلاق الكويسة ميبقاش الإعلام، سواء الخاص أو الحكومي بقى لازم يبقى في إهتمام نرجع الأخلاق بتاعت زمان دي تاني متبقاش كل الفكر إنهاردة في المادة، الماديات طغت أكتر.
الأخلاق عشان ترجع لازم زي ما قولتلك توعية، التوعية دي تيجي إزاي الإعلام رقم واحد لازم يبقى فيه توعية للناس مش كفاية اللي موجود دلوقت لازم يبقى في عندنا مجالات أوسع من كده.
الأخلاق لازم نحترم بعضينا دي أول حاجة لازم إن إحنا مثلًا الناس الكبيرة لازم نحترمهم حد يقول مثلًا أي نصيحة لازم نستوعبها لازم إن إحنا برضه نحتفظ بيها ولازم إن إحنا نعلم برضه إحنا، نعلم أي حد برضه يشوفنا إن عمل حاجة غلط لازم نوعيه نقوله دا مثلًا غلط دا مش كويس الصح إن إحنا نعمل كذا كذا.
دا بكذا وسيلة طبعًا مش حاجة واحدة لازم يبقى التعليم ليه دور كبير، الإعلام لازم يمارس دوره في نهية إنه يحفظ الناس للأخلاق ويبرز أهميتها في حياتنا؛ لأن الحياة مش كلها مادة ومش كلها م، يعني يبقى الأسرة لازم يبقى ليها دور، الأب لازم إنهاردة إزاي، لازم نعلم الأب إنه يعلم إبنه؛ لأن الأب أحيانًا نفسه بيفتقد للأخلاق أو يفتقد أن هو ينقل الأخلاق الكويسة لإبنه دي برضه، يعني البيت حاجة أساسية طبعًا؛ لأن دا هو اللي بيغرس الأخلاق من سن الطفولة.
الأخلاق دي ترجع بإننا إحنا نكون قريبين
