السيسي يدعو المصريين للمشاركة بانتخابات الرئاسة: “إوعى تسيب حقك”
شدد الرئيس عبدالفتاح السيسي، الجمعة، على أهمية مشاركة المصريين في الانتخابات الرئاسية المقبلة
وجاء حديث السيسي، خلال مشاركته في فعاليات اليوم الثالث بمؤتمر حكاية وطن، حيث تطرق بكلامه للحديث أيضًا عن أن «دستور 2014 اللي اتعمل متقدم ومتطور يحقق آمال المصريين».
وأضاف السيسي، خلال مشاركته في جلسة «السياسة الخارجية ومكافحة الإرهاب وإعادة بناء مؤسسات الدولة»: «فيه ناس بتقول مش عاجبنا أداء البرلمان، الانتخابات كانت حرة و50% من النواب جدد، كل كلمة بقولها هيحاسبني عليها ربنا».
وتابع: «فيه ناس بتقول مش عاجبنا أداء البرلمان، فين التشريع والرقابة، هذا لا يليق، ياريت كل واحد يشوف دوره وينفذه بجدارة وكفاءة».
وأشار إلى أن «مؤسسات الدولة رجعت تاني، ولإعادة المؤسسات للعمل اللي أنتم عايزينه ده حراك مستمر، وإعادة بناء مؤسسات الدولة ده كان إنجاز للدولة المصرية»، داعيًا المصريين إلى المشاركة في الانتخابات الرئاسية المقبلة.
ووجه السيسي حديثه للشعب المصري: «إوعى تسيب حقك لغيرك، لكن انزل عشان ضميرك يبقى مستريح قول اللي أنت عايزه»
