ا طبعاً يعني أنا إحساسي يعني أنا لفيت الحاجة دي حتى لو اسمي ماتذكرش بالنسبالي أولادي لما يكبروا أقولهم إحنا نفذنا هنا و عملنا هنا بالنسبالي طبعاً دا شعور شعور عظيم يعني إن أنا أتباها بحاجة كده و في بلدي يعني حاجة في بلدي و أتباها بيها طبعاً في أي حته.
كلمة ما فيش شغل كلمة البلد واقفه في مكانها محلك سر كلمة يا عم إحنا عملنا إيه بتسمعها.
لا اللي يدور بيلاقي أكيد بس اللي بيدور بيلاقي.
أنا بقول إحنا كلنا لو إشتغلنا هنبطل تشائم أنا بقول الكلام دا.
طبيعي طبيعي في أي حته.
الطرق مش بس هي الرابط بين العاصمة الإدارية الجديدة و ما بين المحافظات اللي حوليها بما فيها محافظة القاهرة أو الطريق الغقليمي الدائري و لكن هيتم ربط مشروع العاصمة الإدارية الجديدة بخط سكة حديد مع شبكة سكك حديد الجمهورية, كانوا دايماً بيقوللنا في السنين اللي فاتت مصر حلوة قوي من فوق ماتغرقش في تفاصيلها من تحت اللي التراب غطى وشها بقالوا سنين النهارده الصورة اللي حضراتكم شيفنها ورايا ديا كباري طرق عمارات حي حكومي حي سكني طريق دولي وراي كل اللي حضراتكم شايفينه دا بيقول الصورة الحقيقة حلوة من تحت و من فوق إيدين بتحفر طرق و كباري من تحت و إيدين بتعلى عمارات لفوق علشان الصورة دايماً تبقى حلوة من تحت و من فوق خليك فاكر مصر جميلة ما يكملش جملها غير بيك و بإنتاجك و بشغلك و بعطائك ليها و بإيمانك إن بكره أحسن كمل طريقك أصل الطريق لسه طويل تحياتي.
