الفرق بين مجال التجارة الالكترونية بين السوق الاجنبي و السوق العربي

بعض الناس بتزعل وبتفهم غلط لما باجي اقول ان انا باحب اشتغل في السوق الاجنبي اكتر من السوق العربي يا جماعة دي مش إساءة للسوق العربي وانا هنا باتكلم تحديدا عن مجال التجارة الالكترونية

حاليا انا هاوضح لك بالتفصيل ليه انا باحب حاجة زي كده ؟ اولا لما باجي باشتغل في السوق العربي كامل إحترامي للسوق العربي، كامل إحترامي للوطن العربي كامل إحترامي للعرب اللي انا اكيد واحد منهم لكن لما بنيجي مثلا نشتغل في التجارة الالكترونية في السوق العربي على سبيل المثال كان عندنا منتج عبارة عن شنط حريمي كان عندنا باكيدج تلات شنط ، شنطة كبيرة أشبه بشنطة الظهر أو هي مش شنطة ظهر يعني شنطة كبيرة يعني بالنسبة للشنط الحريمي وشنطة متوسطة الحجم وشنطة صغيرة تقريبا أقرب للبوك ، الباكيدج على بعضها دي أحنا بعنا منها تقريبا حوالي 815 باكيدج في الوطن العربي في مصر تحديدا يعني على ما بعناهم  في  مصر آه مكاسبهم كانت كويسة بس فعلا طلع عنينا طلع عنينا ليه؟ لان العميل هنا بيشتري بنظام الدفع عند الاستلام كبيرة جدا من العملا للاسف الشديد بتبقى غير جادة ما بيهتمش بك في نسبة كبيرة كده ما بتهتمش يعني ايه ما بتهتمش؟

يعني هو مش فارق معه إنت كسبت انت خسرت انت شحنت انت هو ما يهموش الكلام ده انت دفعت فلوس لشركة الشحن بردو ، هو مش مهتم هو كل اللي مهتم به حاجة واحدة بس ان هو طلب الاوردر منك وبراحته عايز يستلم يستلم ، مش عاوز يستلم ما يستلمش اه السوق المصري فيه ربح وفيه فلوس في مجال زي ده وكل حاجة لكن لما بتيجي تقارنه بالسوق الاجنبي بالذات ان انا شغال في التجارة الالكترونية بقى لي تقريبا 11 سنة فلأ الوضع بيكون مختلف تماما التجارة الالكترونية اولا العميل بيدفع بالفيزا القدرة الشرائية بتاعته عالية ما بيقعدش يدور للعميل الامريكي تحديدا ما بيقعدش يدور في اماكن كتير عنده  يعني ما عندوش حتة الفصال او ان هو لازم يدور على الحاجة الارخص ممكن تلاقي نسبة بس نسبة بسيطة جدا لكن الغالبية لا هو دخل على المتجر بتاعك شاف المنتج عجبه إشتراه عشان كده أحيانا تلاقي  منتج ممكن في السوق الامريكية نبيع منه مثلا 25000 قطعة ده غير وارد ابدا ابدا في السوق المصري يعني مستحيل يعني ان انا جربت بيع في السوق المصري يعني لسنوات طويلة وبنبيع بكميات كبيرة ما فيش الكلام ده صعب جدا ان انت تجيب منتج وتبيع منه مثلا 25000 الف قطعة او 2000 الف قطعة او 15 الف قطعة داخل مصر هو هو نفس المنتج لأ عشان تبيع الارقام دي محتاج تجرب على منتجات مختلفة لكن في السوق الامريكي وفي السوق الاوروبي حتى تقدر ان انت ممكن من منتج واحد تبيع 20 الف قطعة من المنتج ده 25 الف قطعة هنا بيفرق الجدية لان العميل كمان بيكون دافع بالفيزا والقوة الشرائية بتاعته عالية غير في مصر بيبقى العميل طالب دفع عند الاستلام وكمان القوة الشرائية عنده ضعيفة فهنا يعني اعتقد المعادلة هنا يعني المفروض ان هي تكون وصلت لكم