كمان قال إن الشرطة بتبحث عن شركاء المنفذ للهجوم سواء بالتخطيط للحادث أو اللي كانوا معاه وقت الحادث وفروا لأن في شهود عيان أكدوا إن كان في إطلاق نار على المحتفلين في نيس من الشاحنة أثناء دهسها للناس, الرئيس الفرنسي قال نص خطابة التلفزيوني فرنسا تحت تهديد إرهاب الإسلاميين, هاخد دي على جنب شوية وهرجعلها تاني لما نكلمل الكلام دا الشرطة لقيت في الشاحنة أوراق و هويه باسم واحد فرنسي من تونس أصلاً اسمه أو عنده 31 سنة اسمه بوهلان مكان إقامته في نيس لكن لحد دلوقتي ماتمش الإعلان عنه هل اذا كانت الأوراق دي تخص منفذ الإعتداء من عدمه لكن حتي الأوراق دي بتقول إن صاحبها صاحب سوابق بس مش إراهبية يعني هو مش مسجل لدي مكافحة الإرهاب في فرنسا على سبيل المثال زي ما كان حاصل في بلجيكا, ليه الشرطة الفرنسية رجحت العمل الإرهابي اذن أولاً لان كان تحذيرات أمنيه في فرنسا  في إحتماليه حدوث أعمال إرهابية ضدها أثناء الإحتفال بعيدها الوطني ودا اللي دعى فرنسا لو حضرتكم تفتكروا إنها تعلن إغلاق سفارتها في انقره و قنصليتها في إسطنبول من كام يوم الأمن الفرنسي كمان إعتمد في تحليل الحادث علي إنه إرهابي برسائل وجهتها مجموعات تكفيرية وأنا مش بحب لفظ جهادية هي مجموعات تكفيرية زي القاعدة و داعش لفرنسا زي الرسالة الصوتية اللي تم نشرها يوم 22 مايو الماضي بصوت المتحدث الرسمي لداعش السوري اللي اسمه أبو محمد العدناني وطالب فيها من يطلق عليهم تسميت جند الخلافة على استخدام أي سلاح متاح ليهم و من ضمن اللي جه في الرسالة مابين نفتح قوسين عشان هنقول اللفظ اللي هو قاله