أيوه يا جماعة والنبي في أسعار غالية؟ صح، في غيابة حقيقية لرقابة ضابطة للسوق أيوه، في الحقيقة مواطن لسه معندوش ثقافة أن أنا هستغنى عن حاجات كتير أوي التجار بيتاجروا بيا فيها، وهعلمهم أزاي ينزلوا هما السعر لما كلنا نقرر أن أحنا نبطل نشتري السلع غير الضرورية والسلع الرفاهية، حتى في الأكل كمان أحنا مش هنموت من الجوع وأفكر حضراتكم أن من أربع، خمس شهور كان عندنا أزمة البانية اللي وصل سعره ل 80 جنية، وكانت الناس زعلانة وعملاها هاشتاج على الفيس بوك، ويومها الحقيقة كنت بسأل يعني أيه بانية، يعني أيه بانية يعطل مسيرة ناس كل شغلها أن البانية ب 80 جنية، سيبوه متشترهوش بكرة هيرجع سعره ودلوقتي وصل سعره ل35 جنية، حتى في أزمة السكر اللي فاتت مكناش هنموت لو عشنا بكيس سكر ومعلقة سكر، الحقيقة ناس كتير عملت دا ومجرلهاش حاجة.

النهاردة الجمعة فات تقريبًا 8 أيام على تحرير سعر الصرف، سعر الدولار بقى حر ومتصل بقرار كل بنك، بنك إسكندرية على سبيل المثال بيبيعه ب 17 جنية و5 قروش، البنك الأهلي بيبيعه 16 جنية و 66 قرش، بنك مصر 16 جنية و 75 قرش، عرض وطلب طالع ونازل وأنت حر، وبالتالي محدش هيقدر يخزن الدولار تاني، لأنه ممكن بكرة يقولك الدولار ب 11 جنية وهيحصل، حصل ارتفاع في أرباح للبورصة في نهاية تعاملاتها أمبارح الخميس بلغت مش أحنا اللي بنقول لكن العالم كله رفض دا، بلغت في نهاية تعاملات هذا الأسبوع 90.7 مليار جنية، حصل أن في سعي لزيادة الاحتياط النقدي المصري، واستقرار سوق العملة والإنتاج وإعلان البنك المركزي أمبارح عن عقد أتفاق مع بنوك أجنبية،