و20% في العراق، وتراجع حاد في اليمن سنين لورا بشدة، أزمات طاحنة في تونس ولبنان، اللي بلغ العجز فيها 7%، والأردن والمغرب وتونس اللي بيوصفهم تقرير بتوجيه إنفاقهم للجانب الأمني بالظبط انتقالات سياسية وإنفاق أمني بعيد عن الاهتمام بالنمو الاقتصادي، دا من البنك الدولي هذا التقرير، وبيقول الحقيقة في كل دا إن دوامة حرب واقتصاد متدهور في دول المينا، أو ما يعرف باسم دول منطقة الشرق الأوسط.

البنك الدولي كمان في تقاريره بيقول إن المنطقة ككل خسرت 614 مليار دولار في الخمس سنين اللي فاتوا، تلتهم بس في سوريا وفقًا للتقرير الدولي، مصر أكيد جزء من كتلة إقليمية وكتلة دولية ولازم نبقى فاهمين دا، مع مراعاة أمور مهمة منها أن مصر عدد سكانها تقريبًا تلت السكان في المنطقة العربية، أيوا، مصر فيها نسبة عجز بلغت 11.9 %، أيوا مصر عندها ارتفاع أسعار، أيوا مصر عندها مشاكل اقتصادية ومكافحة إرهاب لكن مصر كمان مش بس بتجري على مسار المشاريع الاستثمارية الكبرى، اللي هيبان أثرها في خلال سنة أو سنتين بحلول عام 2018، لكن مصر كمان بتسعى إنها تحل مشاكل أمنية ومشاكل بنية تحتية وإسكان وتعليم بقالهم 40 سنة مسكوت عليهم، مصر بتسعى تعيش من غير ضغوط بتتفرض عليها في السياحة وحركة التجارة العالمية وفي الإرهاب اللي بيتوجه لها، مصر الحقيقة تسعى إنها تواجه خطة تفتيت المنطقة اللي انحطت من سنين من أكتر من 40 سنة.

النجاح إرادة يا طيبين ويا رب نعدي على خير، أوعى تيأس أو تخاف أو تفتكر أن في حاجة مستحيلة، الحياة مصاعب أنت تقدر تعدي على مستوى حياتك، وعلى مستوى بلادك كمان، تحياتي ونكمل بعد الفاصل بكل أمل تحياتي.