فينا يمد أيده لحد تحتيه، يا سلام الدنيا تتغير وتبقى حلوة أوي أوي، والبركة فيها بجد بتزيد، الحاجة الصغيرة لما بتتحط جنب الحاجة الصغيرة بتبقى كتيرة أوعى تستقل مجهودك.
فردة شمال الحقيقة رسالة لكل واحد فينا، يا سلام لو دلوقتي كل واحد فينا يفتح دولابه ويوم التلات الأرصاد بتقول أن الجو ممكن يقلب يعني الشتا داخل، يا سلام لو تطلع قميص حلو أو بلوفر لطيف أنت بتحبه وبتلبسه أغسله وأكويه، أغسله وجهزه وحطه في كيس وأديه لأي حد أنت شايف أنه محتاجة علشان هو كمان يبقى راضي، ومدفي وأمان، الحياة بتبقى حلوة لما نقدر كلنا نلم بعض، حاجة صغيرة جنب حاجة صغيرة تعمل حاجة كبيرة معلقة على معلقة تعمل طبق، حتى للجعان.
معلقة على معلقة بتعمل طبق، أيد على أيد بتصقف، الحياة محتاجة لمة، والحياة محتاجة تغيير عقلية كفايانا زعيق في وش بعض، علشان مبقيناش نسمع بعض كفايانا كلام فارغ ملوش عازة وأيام الحقيقة بنسودها في وش بعض، الحياة فيها الحلو وفيها الوحش، الحلو خلينا نكتر منه، والوحش نقول عليه وحش، ونقول نصلحه أزاي، وإحنا نع بعض، الحياة حلوة بلمة، الحياة تستاهل أن أحنا نتعب علشانها، إياك تفقد الأمل خليك نور وطاقة، خليك حاجه حلوة في وش الناس، أجمل شيء خليك متيقن منه طول الوقت أن أعظم بنا أنك تبني جسر من الأمل فوق نهر من اليأس.
شكرًا ليكم يا طيبين، شكرًا لوجودي بينكم، وشكرًا لاستماعكم، ومتابعتكم اللي هي بالنسبة لي زاد وزواد في الحياة، وإليكم كل المنى وكل التحيات وإليكم كل الفضل الحقيقة في الانتماء لوطن نسعد به دومًا، خليني أقول لحضراتكوا كلمة أخيرة، الصورة كاملة بيت ووطن إياك تنسى دا، الصورة الكاملة بيت ووطن كلنا محتاجين نغير عقليتنا، تحياتي ونكمل كلامنا يوم الجمعة والسبت الجايين في كلام من القلب، السلام عليكم.
