اللي اتهمها أنها مش بتفكر غير في نفسها، اللي اتهمها أنها مش بتحبه، اللي هي شقيانة طول الوقت علشان هو مستقبلة يبقى أحسن، اللي هي طول الوقت محنية علشان تديله كل حاجة لأن هي متملكش أي حاجة في الحياة غيره وهي تدرك دا بس يمكن أساءت إنها متكلمتش معاه، لما يروح يكتشف إن الأم حاطة علبة فيها فلوس بتحوشها علشان تجيبله الكمبيوتر ومحوشة حتى تفاصيل صغيرة كانت هو قطعها زي صورته صورتها اللي هو رسمها ليها، الصورة الكاملة يا طيبين أحيانًا بنكتشفها، وبنشوفها بس متأخر أوي، الصورة الكاملة يا طيبين محتاجين كلنا نتعود نشوفها كاملة، متعودين نفتح عنينا علشان نشوف اللي بنحبهم بيتعبوا علشانا أد أيه، ونشوف الدنيا من خلال الصورة الكاملة مش أنا بس، أوعى نفسك تأسرك وتخليك تشوف الحياة من منظور واحد خليك متسع الأفق، أدي المبررات للي حواليك، وياريت كمان الكبار يعملوا نفس الشيء أحنا محتاجين نشوف ولادنا من منظور تاني، من منظور أيوا أحنا خايفين عليهم أيوا أحنا قلقانين عليهم أيوا أحنا كل تعبنا وشقانا ليهم، لكن هما كمان من حقهم يفهموا أن أحنا بنحبهم، أحيانًا بنبقى محتاجين نوضح الصورة للي حوالينا الصورة كاملة بتقول خلينا نلملم بعض، الصورة كاملة بتقول مصر تستاهل حاجات كتيرة،  ممكن تكون بلد الحقيقة زي الأم بالظبط، تعبت وشقيت وحلمها المستقبل أجمل وأحسن، بس صعبان عليها إن عيالها مش فاهمين، لكن الصورة كاملة بتقول هل هيقدروا يتفهموا ويقدروا ويعرفوا إنها عمرها ما قسيت ولو قسيت محتاجين إن أحنا نسمع منها عشان نعرف ظروفها وإمكانياتها أيه الصورة الكاملة بيت ووطن، الصورة كاملة أرجوكم كلنا محتاجين إن أحنا نعملها، تحياتي ونكمل بعد الفاصل