وإياك تنسى إطلاقًا مطلقًا إن مصر جميلة، خليك فاكر.

ورجعنا يا طيبين عشان نكمل كلامنا، علشان تشوف الصورة كاملة لازم تغير عقليتك، لازم تشوف أخطاءك فين، علشان تشوف الصورة كاملة لازم تبقى فاهم أيه الأخطاء اللي عندك، علشان تصلحها، علشان تنطلق، علشان تحقق النجاح اللي أنت بتسعى له، عشان حتى تعرف خطوتك تحطها فين، الصورة كاملة محتاجة تغيير العقلية Mind shift.

هو دا يا طيبين تغيير العقلية اللي كلنا محتاجينه، ليه محتاجين الكلام اللي سمعناه دا، لأنك مش هتقدر الحقيقة تستشعر بالصورة كاملة غير لما تغير السلبيات، عفوًا أحيانًا بيبقى في فيران كتاكيت بتجري في دماغنا بتقولنا أفكار سلبية، بتخليك تقف، تكتف على إنك تكمل وبالتالي أنت مش هتقدر تكمل، وتشوف الصورة كاملة غير لما تغر نفسك وتغير حياتك وتشوف الدنيا بشكل مختلف، لما تثبت لنفسك إنك قادر على صناعة التغيير من خلال أهداف تحطها كل يوم لنفسك، رغم كل التحديات، رغم كل الإحباطات، أيوا أنت تقدر تمد كل يوم لنفسك جسر الأمل.

عايزة أقولكوا على حاجه أنا كل يوم ببدأ حياتي فيه وأنا بقول النهاردة هيبقى يوم حلو، النهاردة يوم مختلف، حتى لو خايفة، حتى لو محبطة، حتى لو عندي من اليوم اللي قبليه مشاكل الدنيا والآخرة، لكن طول الوقت لازم أقول لنفسي كدا علشان اليوم بالفعل بيختلف، حتى لو حصلت فيه حاجات تضايقك لكن في النهاية أنت مصر تكون إنسان، أنت مصر تعيش حياتك، جمل رائعة اتقالت في الفيلم اللي فات بالظبط كدا زي الجملة اللي بتقول “الناجحون حتفلون في العلن بما أخفوه من معاناة عن أعين الأخريين” أوعى تفتكر اللي بينجح وبيحتفل بنجاحه مشافش فشل، وهزيمة، وإخفاق،