أهلا بحضراتكوا مرة تانية والحقيقة قبل الفاصل كنا بنتكلم يعني إيه تجديد خطاب ديني ، هل إحنا مدركين المعنى، سواء القائمين عليه والممارسين ليه، وكمجتمع كمان ولا إحنا مش مدركين واتفقنا ووصلنا في النهاية أنه لأ أحنا محتاجين نفهم حاجات كتير عشان منكررش أخطاء التاريخ اللي أحنا أتعرضنا له التاريخ القريب مش التاريخ البعيد في السبعينيات بس دكتور مدحت الحقيقة خليني إحنا لحد دلوقتي كله الدولة كان عليها أنها تعمل، الإعلام عليه أنه يعمل، والمدرسة والتعليم عليهم أن هما يعملوا، فين الأم وفين الأب وفين الأخ وفين العم وفين الجار وفين المدرس فين دول؟

دكتور مدحت: ما هو كل دول نتاج للي فات يعني لما تيجي تشوفي كده تقولي القاضي اللي سنة 37،38 سنة، دا أبوه غالبًا سافر الخليج في فترة البترودولار الشهيرة، والإنفتاح فعاد بمفاهيم اللي إحنا بنعاني منها لحد دلوقت هو اتربى في تاني بيئة هي دي البيئة اللي اتربى عليها فهتلاقيه قاضي وجواه داعشة صغير كدا خلاص، هذا القاضي بيقعد في صلاة الجمعة لراجل آسف أني أقول أنه جاهل ميعرفش حتى قواعد اللغة العربية، فبيقعد يسمعه ومبينطقش وبيبقى مصدقه فالبيت مش مقتصر على المجتمع البيت هو جزء من المجتمع الأب والأم هما نتاج الأربعين سنة اللي فاتت دول، وبالتالي تمام ما حدث من التغير في التكنولوجيا خلا البيت نفسه منعزل، تقعدي في البيت دلوقت حضرتك عارفة كل واحد ماسك موبايل أو أي باد وقاعد لوحده، حتى التلفزيون اللي كنا بنتفرج فيه على مسلسلات مع بعض، بقى كل واحد بيتفرج فيه لوحده ف التكنولوجي اللي حصل دا التغير اللي حصل مع التغير في مفاهيم وأخلاقيات المصريين