عبر أهم قناة إستراتيجية، بتربط قارات العالم ببعضها من سنين طويلة.

ليه؟، علشان مصر تثبت أنها واقفة على رجليها ومبتتكسرش مهما حاولوا.

ليه؟ علشان أزود حجم الإيرادات نتيجة زيادة الحركة من 5 مليار دولار حالياً إلى 13 مليار دولار بحلول 2013، أما قصة تراجع الإيرادات بنسبة معينة السنة دي، فدة الحقيقة مش نتيجة فشل مشروع قناة السويس، زي ما بيردد البعض للأسف عن جهل أو عدم ضمير، لكن لأسباب كتيرة، أهمها: تراجع حركة التجارة العالمية، نتيجة تراجع أسعار البترول اللي نزلت في 2015، لحد ما وصل برميل البترول لـ 15 دولار، ويادوب بيوصل لـ 50 دولار حالياً، بعد ما كان 105 دولار.

ليه كمان؟ نتيجة تراجع معدلات نمو اللإقتصاد في العالم كله، وفقاً لتقارير دولية، زي ما خفضت منظمة التعاون الإقتصادي والتنمية، تقييمها لنمو الاقتصاد العالمي إلى -B، متوقعة تراجع النمو الإقتصادي في الولايات المتحدة والصين، وقالت أن نسبة النمو الإقتصادي عالمياً هي 3.1% في 2015، و3.8% خلال 2016، ودة معناه إنخفاضها عن تقديراتها اللي أعلنتها في يونيو 2015، أما قصة “بنما” بقى فدي حدوتة تانية، بتعجب من المقارنة اللي طول النهار بتتعمل مابين قناة السويس، وقناة بنما، ليه؟!

أقولك، قناة السويس موجودة من سنة 1869، قناة بنما موجودة من سنة 1914، لكن بنما مأثرتش على قناة السويس من 1914، بل على العكس، أستمرت قناة السويس كأهم شريان ملاحي عالمي لأسباب كتيرة، أهمها “الموقع”، لأن قناة السويس بتربط بين 3 قارات ببعض في وسط العالم، كمان عندها ميزة جيولوجية، قناة السويس مفيش فرق في منسوب المياه ما بين البحر الأحمر والبحر المتوسط، بمعنى أن مرور السفن فيها مش محتاج هاويس،