ذكّرتني

ذكّرتني طلعة البدر نور عْيوني
يوم شفته هلّت العبره المخفيّه
من يلوم المغرم المولّع المفتونِ
لَى تذكّر شوف أبو وجنةٍ ورديّه
ليتهم ياسعود لَى روّحوا مرّوني
معْ غروب الشّمس بقفاية العصريّه
آتمنَّى والتمنّي يزيد غْبوني (1)
غيّبو ياخوك ما عندهم ماويّه
ليتني في سجّتي رحت ماصابوني
من يداوي الجرح والعلّة الدخليّه
خبّروني عنه ضاق الحشا بشجوني
ما قويت الصّبر حُبّه تمكّن فيّه
(1) غبوني: أحزاني، حسرتي.