الحب, فأنا بتعامل بهذه الطريقة بهذا المبدأ لإيجاد لغة مشتركة, لإن الأطفال فعلاً كانوا يعني مشاكل الإجتماعيه عندهم مشاكل الحياة, فكان لأزم القي لغة مشتركة المفتاح الوحيد لأي لغة مشتركة هو الحب
الكورال كام طفل الكورال هنا؟
حوالي 130 أو 120
130 طفل في كورال بهذا التوصيف يعني برضو 130 حدوتة
آه بالضبط 130 حالة وإحنا بنتعامل معاهم كل واحد لوحده كشخصية مستقلة كل واحد عنده مشاكله الخاصة, مفيش مشاكل مشتركة بين الكل كده نحلها وخلاص خلصنا لا , عندك كل شخص شخصية مستقلة عنده ظروفه المستقلة برضو عن ظروف غيره
طبعًا حضرتك كنت تتعرف على كل حدوتة لوحدها؟
طبعًا طبعًا
بتتعامل مع كل حدوتة لوحدها؟
بالضبط كنا في الأول من ضمن البرنامج بتاعنا الاستعانة بأطباء نفسيين ولكن شفنا أنه مفتاح الحب ده خلانا نستغني نهائيًا عن الاستعانة بالأطباء
حضرتك في هذا مش المشروع في هذا الإنجاز لم تتعامل مع أطباء نفسيين في أعاده بناء شخصية هذه الأطفال
أطلاقًا أطلاقًا عملنا العلاقة الشخصية مع كل واحد والحب اللي ابديناه يعني خلينا كل واحد يشعر أنه هو بيحب وحد بيحبه, علاقة الحب المتبادلة هي كانت حل لكل المشاكل
أبتديت معاهم يا مايسترو بأيه وأنت بتدربهم في الكورال؟
كنت على وشك إنه أيأس من إمكانية التدريب معاهم
ليه يا مايسترو؟
معندهمش أي خبره بحكاية الغني
معندهمش أي خبره ولا كانوا رافضين؟
زى ما قولتلك إحنا جبناهم إحنا اللي جبناهم مش هما اللي قصدونا اللي بيقصد بيكون عنده حاجة, أنا بحب الموسيقي بروح على الكونسورتار بقدم امتحان بنجح, أما دول ما فيش
هنا السؤال هو مكنش عنده الأساس اللي عايز إن ممكن يتبني
