لازم أقف  هنا عشان أقول شكراً  لحضرتك عشان اعتقد أنك أول من كانت لديه الشجاعة انه يعترف أن تجديد الخطاب ديني غير منفصل تماما تماما عن الحضارة العربية عن الحضارة الفكرية عن العمل فكرة العمل لو إحنا عايزين تجديد خطاب ديني شغلوا الناس لو إحنا عايزين تجديد خطاب ديني طوروا العلم لو إحنا عايزين تجديد خطاب ديني من فضلكم نظفوا العقول والعقول دي بأعلام وتعليم وثقافة وتشغيل وده رقم واحد أشكرك يا مولانا أتفضل.

أنا لو حبيت أصوغ برنامج لتجديد الخطاب الديني مش هيزيد عن المفاتيح ال حضرتك قولتيها دلوقتي هو ده بعينه واكمل المسيرة لحضرتك في باحثة أسمها دكتورة أيه ماهر عملت بحث ميداني مدته 3 سنين وهي بتدرس حالة العامل المصري الإنسان المصري أي العامل ال بيشتغل في الميناء والفلاح ال بيفلح في الأرض والموظف الهيئة الحكومية فوصلت بعد الدراسة والتصفح لمتوسط عدد ساعات الإنسان المصري في اليوم من جملة 8 ساعات مطلوبة منه 28 دقيقة 28 دقيقة 28 دقيقة دي بيحصل ده المتوسط.

يعني في أقل كمان.

في واحد بيتفانى وفي واحد مش بيروح خالص لما نبدأ نجمع الاثنين ونقسم على اثنين هيطلع لنا المتوسط بتاع 28 دقيقة, 28 دقيقة دي معناها ايه حضرتك؟ معناها ان إحنا عندنا ثروات هائلة بس مش شغالة.

أنا روحت زيارة لمحافظ الوادي الجديد معالي الوزير عادل لبيب فوجئت هناك بصورة غريبة جداً المكان ده من ارض مصر 40% من مساحة الدولة المصرية كام واحد يسكنه 250 ألف إنسان من أخصب أراضي مصر أرض عالية الخصوبة دي نمرة واحد نمرة أثنين المياه الجوفية لو حفر بأيديه هتطلع المياه الجوفية يعني الأرض خصبة