الأزهر وأفرج عنه، والحقيقة أن هو كان قاعد جنبي يومها كان الحوار مركز أنا رجعت لورا وقعدت أتفرج على الحوار، وبعدين القاعة كانت مقفولة علينا إحنا العشرة بس، السفيرة الأمريكية يومها كانت بتسأل على أسئلة محددة، تفتكروا المجلس العسكري هيسلم السلطة، فالحقيقة الكل أجمع أن المجلس العسكري هيسلم السلطة، فسألت سؤال وإحنا قاعدين على ترابيزة العشاء موجه ليا ولأسامة سليمان فسألته وقالت له، الأول بدأت معايا الحقيقة بتعريف اللي هو ممكن صحفيين صغيرين العصافير تتطير لما يسمعوه، لما قال الأستاذ حازم عمر الأستاذة نشوي الحوفي واحدة من الصحفيات المهمات اللي بتكتب وفاهمة لازم بقي أوتي رأسي ما علينا موتطش رأسي، سألتني السيدة الفاضلة أنتي مقتنعة بالعدالة بالمصالحة الوطنية قلتها طبعا بس المصالحة الوطنية زي ما قامت في بلادها الحقيقية التجربة الناجحة ليها في جنوب أفريقيا لازم تقوم على العدالة، والتنمية الاقتصادية وبعدين كمان الصعود بالمجتمع كله لفوق، عمل دفعة بوش لأن المصالحة الوطنية نفذها نلسون مندلا بعد سنتين من انتخابات1994وبعد ما عملوا الدستور كمان، وسموا المصالحة الوطنية للكل يجي ويعترف أدام الشاشات أنا غلطت والحكومة هي اللي كانت بتتحمل الغرامة، كلامي معجبش الست أن باترسون كلامي كان زي اللقمة في الزور، راحت سيباني وباصة الحقيقة لا سألتني سؤال تاني قالت لي المحاكمات مش هتوصلكم لحاجة فأنا الحقيقة رديت برده وقلت أنتي مفهمتيش كلامي أنا متكلمتش عن المحاكمات وقتها كان مبارك ونظامه هما اللي بيتحكموا، أنا أتكلمت عن العدالة والعدالة فرق كبير ما بينها وبين المحاكمات قد تكون المحاكمات جزء منها، كلامي معجبش أن برتارسون فبصت لأسامة سليمان وقالت له أنتم كإخوان موافقين على المصالحة؟ أسامة سليمان قالها إحنا قلنا للمجلس