بس دكتور هنا السؤال بقى هل دى مسؤولية البيت ولا دى مسؤولية مدرسة وبيت مشتركين مع بعض تعليم وبيت لأن برضو المدرسة لازم أكون منتمى ليها كمدرسة هي المكان اللى فيه تقاليد وقوانين صارمة؛ بتكون أول فترة أو أول مؤسسة يتعلم فيها البني آدم أن في حقوق للآخرين غير حقوقه هو لأنه في البيت ممكن ياخد فيه…المدرسة وضعها ايه في حته الانتماء دى؟
المدرسة ليها دور كبير جدا والمدرس زى ما اتفقنا قبل كده عليه عبء كبير جدا بس أنا ما أقدرش أقول أن ده نستنى المدرسة تعمله لأن مدارسنا دلوقتى مش هتعمله
مش هتعمله، يبدو يعنى وفقا لكلام حضرتك يعنى لما الواحد يسترجع الأحداث في السنين اللى فاتت يبدو أن هي ما عملتهوش لفترات طويلة
لا خالص ما عملتوش
بدليل أن إحنا شفنا الحقيقة أن مهما إن كان غضبك ما تحرقش بيتك يعنى لو أنا زعلانه مع أخويا أو زعلان مع أهلي مش هحرق البيت علشنهم
طبعا، ما هي دى الفكرة أنى أنا زعلان مختلف مضايق غضبان ثائر كل ده كويس جدا بس عندك مكعب اسمه الانتماء تنتمى يبان أمتى بقى؟ يبان لما ييجى في تهديد أنت قلبك راح فين؟ قلبك راح مع اللى جاى يسرق البيت ولا قلبك راح مع أهل البت اللى عايشين معاك يعنى أدافع عنهم لغاية أما أموت هي دى الفكرة قلبك راح فين، قلبك راح فين المدرسة اللى أنت زعلان منها لما جه حد يضرب المدرسة ولا يكسر المدرسة أنت قلبك راح فين قلبك راح لأن مدرستي وازاي واحنا مش رجالة لو ما دافعناش عنها ولا راح لأنه احسن أن هم عملوا فينا كذا
