الأقل يكون في وجبة في الأسبوع وجبة نفطر فيها، زمان كان الفطار يوم الجمعة الصبح ده مقدس البيت بيصحى كل واحد عارف مين بيعمل ومين بيجيب الفول معروفة في خلية بتشتغل لازم ده يرجع تانى إذا كنا عايزين نفتح قنوات تواصل مع أولادنا إذا كنا عايزين نعرف اللى بيحصل لهم منهم مش نسمع من حد تانى إذا كنا عاوزين ولادنا يرجعولنا إحنا عشان نصحح لهم مفاهيمهم يواجهوا بيها الدنيا ما يرجعوش لأصحابهم فيقولوا لهم كلام غلط فيجيبوا لنا ثقافات إحنا مش محتاجينها، إذا كنا عوزين نقلل التمرد عند أولادنا اللى بيزعجنا أحيانا كتير في التعامل معاهم، إذا كنا عايزين نعمل ده كله وعندنا رغبة حقيقية ده الطري رجع وجبة في الأسبوع اعمل يوم كده يوم العيلة اعمل حاجات جديده كل يوم اعمل فيه حاجات جديدة كل أسبوع اطور فيه شويه.
الأكل مهم يعنى الأكل مهم مش الأكل مهم أن إحنا بناكل، لأنه بيلمنا على الطرابيزة أو الطبلية أو أيا كانت الحاجة اللى بنتلم عليها
صحيح وإحنا ممكن نعملها بشكل يضحك كمان ممكن نخلى واحد ما بيطبخش ولا ليه في الطبيخ يعمل الحكاية دى يعنى بنت لسه أول مرة تخش المطبخ أو ولد هخش النهاردة اعملكوا الأكل استحملوا بقى، الكل هيبقى صعب جدا بس هنقعد نضحك ونهزر.
ونوقف عربية الإسعاف تحت البيت
بالظبط كده نتجمع في المستشفى
بالظبط كده لمتنا في المستشفى
على فكرة الناس بتتجمع في المشاكل
للأسف
لما بتحس بخطر.
للأسف ده بقى محزن يعنى اعرف الحقيقة شخص فاضل يعنى الأستاذ محمد إبراهيم رجل فاضل تجاوز السبعين سنة من عمره كل سنة يعمل عزومة رمضان لكل عيلته ولكل أصحابه
