كتر المشاكل اللى عندها بقت بتعرف تعمل مشاكل بتعرف تخاصم بتعرف تعمل موضوع بتعرف تعمل قلق بتعرف تزعق ما بتعرفش تحتوى ما بتعرفش تلم القومة ما بتعرفش تقول خلاص ما بتعرفش تقول خلاص حصل خير مش هتناقش في الموضوع ده موضوع ما يستاهلش مناقشة لا نقعد نجيب ونعيد ونزيد ونجيب لغاية ما الموضوع خلاص يكبر ويبقى موضوع.

وبعدين ساعات تلاقى الناس متخانقه هي الناس هي متخانقة ليه بس هو خلاص زعل من حد وخلاص يعنى إحنا محتاجين ناخد بالنا من الحكاية دى ومحتاجين ناخد بالنا ان الناس اللى بتعيش في الغربة مثلا بيبقى عندها مشكلة كبيرة جدا حتى لما بتنجح ما بتحسش بنجاحها؛ لأن إحساس النجاح والفرحة بيحصل مع العيلة بيحصل إني أنا أخدت شهادة كذا طب هرجع افرح مين مانا قاعد لوحدي أقصى حاجة هكلمهم في التليفون هفتحلهم مثلا أي برنامج من برامج الإنترنت نتكلم عشر دقايق ربع ساعة ساعة ما حستش بقيمة الشهادة لأن أنا مش في أهلي ما حستش بقيمة الposition يعنى الناس اللى عاشت بره لفترات تعرف الكلام ده؛ يعنى يا ريت فلان كان معايا يا ريت فلان كان جنبى عشاي يshare معايا الحكاية دى.

الناس دلوقتى مش واخدة بالها من الحكاية دى وعمالة تجرى وفاكرين أن السعادة في فلوس أو في منصب لا لا لا خالص السعادة في أنك تلاقى حد بيحبك من غير سبب

وبيسمعك يعنى بترجعله

بالظيط

بيشاركك اللحظة…عايزة اسأل يا دكتور بعد إذن حضرتك أحيانا بيبقى عندنا شخصية نافرة خلاص هو بطبعه نافر هو بطبعه عايز يبعد بعيد عايز يغرب لوحده يعنى زي أهالينا ما بيقولوا يغرب، ده يتعامل الواحد معاه ازاي