ليا طريقة تفكير مختلفة حتى عن الأب والأم؛ فالأحسن أن أنا انزوى الناس دى مش منسبانى ومش هيقدروا يفهمونى مش قادرين نتقبل بعض مش قادرين نفهم أن ممكن أكون مختلف تماما عن الناس اللى عايش معاهم في البيت عن الناس اللى أنا بنتمى ليهم كعيلة، لكن في أساسيات بينا في أساسيات بتجمعنا طالما الأساسيات دى موجودة نقدر نكمل دى مشكلة في الأفكار، الحاجة التانية الحقيقة نمط الحياة أتغير الوقت بقى قليل الناس كانت بتشتغل 8 ساعات بتشتغل غالبا أكتر من كده بكتير فمبقاش عندهم الوقت وكمان من ناحية تانية مش حاسين الاهتمام فالحاجات دى كلها خلت هنتجمع نعمل ايه؟! هنتجمع عشان نقعد نقارن مين فينا أحسن؟! هنتجمع وإحنا مختلفين فيبقى تجمعنا ده خناق!! لا خلينا نبعد أحسن، ويطلع بقى أمثال زى الأقارب عقارب ويطلع أمثال زى أبعد حبة أحسن ما تقرب والناس تحسدك

وابعدوا واسعدوا.

اه بالظبط فالحكاية بقت مرتبطة بأنه إحنا عايزين نشتغل لوحدنا عايزين نعيش لوحدنا عايزين ما نحتكش بحد ربما تعاملنا معاه ما يبقاش كويس.

مع أنه ثقافة اللمة والعشرة دى  ثقافة قديمة عند المصريين كانوا برضوا طول الوقت يأكدوا عليها يعنى يخافوا المصريين يسيبوا البيت علشان عشرة الجيرة وبعدين يخافوا يغيروا الشغل بتاعهم علشان عشرة اللمة وبعدين إحنا الشعب اللى هو يعنى حتى تاريخيا مربوط طول عمره جنب وادى النيل مش عارف يفارقة يعنى هو مربوط بالأرض.

يعنى حتى معاشر الأرض لأه طول عمره مربوط بالأرض بالمكان مش بس بالأشخاص.

صحيح يعنى إحنا سمعنا كتير عن موظفين أول ما طلعوا من المعاش يعنى فارقوا الحياه سمعنا عن ناس خرجت من بيوتها فارقة الحياة، ليه ده راح