نشوى الحوفي:  إحنا دلوقتي في قسم شاشات الليد.

المهندس:  قسم التليفزيون شاشات الليد دا خط إنتاج شاشات الليد مدعم من قطاعات الصناعات الإلكترونية اللي هي شركة بنها.

نشوى الحوفي:  من أول ما إتفتح المصنع هنا في 62 كان دا اللي بينتج الشاشة الكبيرة الأبيض في أسود بتاع زمان.

المهندس:  الأبيض وأسود اه كاترون.

نشوى الحوفي:  صح كده هو نفس المصنع دا.

المهندس:  اه هو نفس المصنع.

نشوى الحوفي:  لكن مع تطويرة.

المهندس:  مع تطويرة طورنا وعملنا أحدث خطوط الإنتاج ديا ال اي دي.

نشوى الحوفي:  دا كام بوصة يابشمهندس.

المهندس:  دا 40 بوصة.

نشوى الحوفي:  دا 40 بوصة اوكي وسعره بينافس في السوق ولا أغلى ولا إيه.

المهندس:  هو سعر يعني متقارب للأسعار المتواجده في السوق يعني متقارب وأقل نسبياً يعني.

نشوى الحوفي:  أقل يعني كمان.

المهندس:  علشان المنافسة في السوق.

نشوى الحوفي:  إيه اللي يميز كاترون المرادي عن أي جهاز تاني بره.

المهندس:  اللي يميز إن هو جهاز سمارت متطور في جميع التكنولوجيا اللي موجوده ممكن تشغلي فلاشة ممكن تشغلي كمبيوتر علية ممكن تشغلي لاب توب ممكن تشغلي نت يعني جميع المواصفات المطلوبة اللي حضرتك عايزاها في البيت المصري و في التكنولوجيا المصرية.

نشوى الحوفي:  طيب حضرتك بتنتج خط الإنتاج هنا حسب الطلب ولا حضرتك بتنتج حسب أحجام مختلفه.

المهندس:  ر بننتج أحجام مختلفة.

نشوى الحوفي:  حسب الطلبيات اللي بتجلكم.

المهندس:  لا مش حسب الطلبيات حسب برضوا أصل دي شركة في السوق ولازم تبيع وتنافس فلازم ننتج جميع الأجهزة وعن طريق التسويق هي بتفرض نفسها لان التسويق بيسوق الأجهزة في كل مكان والشؤن المعنوية بتاع القوات المسلحة دايماً متعاقدة معانا وبنسلمها أجهزة.