مانقص مال عبد من صدقة

 ده وقته …احسن من الكلام الفاضي والهري

كل حاجة غليت وأقل بيت مستور بيصرفله 3 أو 4 الاف جنيه أكل وشرب وماية وكهرباء والكل بيشتكي وخايف من بكرة فيه توتر وترقب واحساس بعدم الأمان بس في نقطة مهمة جدا دايما شيطانك هيحاول يبعدها عن دماغك كل ماتفكر فيها إلا وهي الأسر الغلابة قوي بيعملوا أيه دلوقتي في احتياجاتهم بياكلوا ويتعالجوا منين مصير الاف الأسر اللي ظروفهم زمان علي قدهم أومال دلوقتي حالتهم أيه

هتكتفي إن ضميرك يزعلك شوية بس وتسكت ؟؟

الدنيا بما فيها هتنتهي عاجلا أم آجلا ومش هيفرق فيها قرش تشيله ولا فسحة كانت حلوة

تصدقوا علي قد ماتقدروا وبزيادة عن اللزوم ولو زمان كنت بتطلع قرش دلوقتي طلع عشرةو

تصدق باللي يخليك مش مصدق إنك فعلا طلعت الصدقة ديه وصدقني ربنا هيعوض عليك بالكرم اللي مش هتصدق برضه حجمه

أنا بذكركم وبذكر نفسي

مانقص مال عبد من صدقة

قال تعالى ‘‘ أو إطعام في يوم ذي مسغبة ” …هي دي الأيام اللي فيها فقر فعلا وربنا وصف عباده اللي بيتصدقوا في الأيام دي بأصحاب الميمنة وربنا يجعلنا منهم ويقينا شح أنفسنا