مش لازم تغير كل الدنيا علشان تعمل تغيير
مش لازم تبقى سقراط وتبقى أول واحد فى التاريخ المكتوب تسال يعنى إيه عدالة فيعمل تغيير . مش شرط تحارب علشان الحرية والمساواة , مش شرط تبقى غاندى ولا مانديلا ولا مالكوم إكس ولا جيفارا علشان تعمل تغيير . مش لازم تغير كل الدنيا علشان تعمل تغيير . ممكن تغير حته بس .. حته صغيرة على قدك بس . تعلم أى حد أى حاجة تبقى غيرت الدنيا . تتكلم مع واحد صاحبك متضايق ومكتئب ويقوم من القعدة دى وهو عنده امل ومفرفش , بس كده تبقى غيرت الدنيا . تبقى لطيف مع حد فتخليه يبقى لطيف مع حد وهلم جرا تبقى غيرت الدنيا . تشيل ورقة مرمية على الأرض تبقى غيرت الدنيا , علشان من غيرك كان فيه ورقة مرمية على الأرض وبيك مابقاش فيه ورقة مرمية , يبقى أنت غيرت الدنيا .
أحمد العسيلي
