طول الوقت مستنية تاخد وهي فاكرة أنها بتدي فتعظيم سلام للجدعان تعظيم سلام لكل واحد بيدي عايزة أقولكوا حاجة أن أنا طول عمري حتى في عز الأزمة اللي ضربت مصر في 2011، حتى قبل 2011 وانا شايفة أن الفساد قاعد بياكل في ورقها وجدورها أنا كنت عمري ما فقدت الثقة في مؤسسة عسكرية ساندة ضهري وساندة بلادي مش أنا اللي بقول، التاريخ اللي بيقول التاريخ اللي بيقول أنكوا جزء لا يتجزأ من الأرض دي حاميينها شاء من شاء وأبى من أبى حتى الفاسد بيبقى حاطط عينيه عليكم علشان يشوف أنتوا هتسمحوا ولا مش هتسمحوا،

فأنا متطمنة ونايمة علشان في ضهري جدعان علشان في ضهري ناس مش مستنية حد يسقف ولا حد يدي لقب ولا حد يدي كمان رتبة هما عارفين هما بيعملوا أيه من أصغر واحد، محمد اللي راح امبارح وهو مجند لا هو ظابط ولا دفعة محمد حضن التفكيري وبعد بيه علشان يبعد بينا عن دفعته عن كتيبته، دة محمد أي حد بينتمي للمؤسسة دي هو جزء متغلغل في نسيج هذا الوطن مش مستني رتبة ومش مستني حاجة يعملها لكن كل دة حلم،

لكن لما إبني دخل حربية السنة اللي فاتت أنا عرفت علشان تبقى في المؤسسة العسكرية دي أنت علشان تلبس البدلة دي أنت بتعمل أيه؟ وبتدفع قد أيه؟ وبتستغنى عن قد أيه؟ (الراقدة) مثلاً أرقد يا مجند أرقد يا مقاتل صح؟ والجراية والأكل مبتاكلوش اللي أنتوا عاوزينه مبتناموش وقت ما أنتوا عايزين مبتتدفوش مبتعملوش مبتخرجوش على قهاوي، أنتوا عايشين حياتكوا للبلد دي ولأهاليها تدافعوا عن الأرض والعرض أنا عايزة أقولكوا حاجة دة أبني الوحيد أة لكن