4من اصل4
و خرج مكانهم بني أدم خافت مطفي .. الجزء الوحيد الحي فيه هو ذاكرته…
عارف البنت اللي بتلمع ( زي الدهب الخالص و كده ) ؟ البنت اللي بتبالغ في اظهار مفاتنها و امكانيات أنوثتها .. ضحكه هنا .. و نظرة هناك . خطوة هنا .. و غمزة هناك . اللي بتلعب كل يوم بواحد .. و تدخل كل ليلة في قصة حب . البنت دي غالبا دفنت انوثتها الحقيقة .. المليانه حنان و عطاء و دفا و قرب و حياء و سماح .. و طلعت مكانها أنوثة مزيفة مليانة ألوان و بهرجة و ميوعة و سطحية و تلاعب و رغبة عارمة في الانتقام من كل الرجالة …
عارف الراجل اللي شكله خشن ( أوي ) .. و ما يعرفش غير الشخط و النطر ؟ اللي بيستعرض عضلاته علي الضعفاء .. و بيستعرض علي اللي ما لهوش حيلة … .. اللي بيفتري علي الغلابة .. و يمد ايده أو لسانه علي القريب و البعيد .. ده غالبا دفن رجولته الحقيقية اللي كلها جدعنة و شجاعة و شهامة و اصرار و صمود .. و استبدالها برجولة مزيفة كلها غرور و افترا و أستعراض للقوي .
شوف بقا اللي دفن مشاعره و تحول الي ألة مش بتحس … و اللي دفن تفكيره و بقي مش بيفهم رغم ارتفاع معدل ذكائه .. و اللي دفن ابداعه .. و اللي دفن .. و اللي دفن .. و اللي دفن …
عارف ايه بقا أكبر مشكلة وسط كل ده ؟ أكبر من الدفن نفسه ..
المشكلة ان بعض المجتمعات ( و طبعا بعض البيوت و العائلات بتشجع أبنائها علي دفن الأجزاء المهمة الثمينة الغالية دي من أنفسهم .. علشان يعرفوا يعيشوا في المجتمعات ( أو البيوت ) دي
