نفسك الحقيقية … و نفسك المزيفة …

6من اصل6

الواد مش بس للبنات الصغارأيام الجاهلية …الواد ظاهرة انسانية بتتكرر كل يوم كل نفس حقيقية ممكن تتعرض للواد عن طريق التربية القاسية .. كل تلقائية / حيوية / طفولة امكانات حقيقية ممكن تتعرض للواد عن طريق رفضها في الصغر …كل أنوثة حقيقية ممكن تتعرض للواد بألف طريقة وطريقة .. كل رجولة حقيقية ممكن تتعرض للواد في البيت … أو في الشارع أو في المدرسة ..أو في المجتمع ……

 

خد نفس عميق بقي … وفتح عينك علي أخرها …

وأقرا اللي جاي كويس :

تعرف ايه اللي يخلي ( النفس الحقيقية )اللي اتدفنت تطمن وتتونس وتقرر تعود للحياة من من جديد ؟ ايه اللي يخليني أبقي انسان حقيقي  كامل عايش بنفسي الحقيقيه كلها بدون تشويه أو اختزال او انتقاص ؟ ايه اللي يساعد فطرتي انها تزدهر وتورد وتنور من جديد ؟

أقولك يا سيدي …

اللي يقدر يعمل كل ده ، هو علاقة …أيوة علاقة

علاقة انسانية حقيقية ،توصلك فيها رسايل عكس كل الرسايل المشوهة اللي وصلت قبل كده أثناء التربية أو التعليم أو أي تجربة سابقة مؤذية …..

هو مش اللي بوظ علاقة ؟

يبقي اللي هيصلح برضه علاقة …

علاقة يوصلك فيها حب غير مشروط …حب ثابت دائم عميق لا يتغير بتغير حالاتك أوأحوالك حب (موقف)مش حب ( حالة ) حب ( مقام ) مش حب ( حال) …. علاقة يوصلك فيها انك مقبول كلك علي بعضك زي ما انت ..بضعفك احيانا وعجزك ساعات وفشلك بعض الوقت .. حتي مع عدم الموافقة علي بعض افعالك أو تصرفاتك.

علاقة يوصلك فيها ان اللي قدامك بيهتم بيك لحسابك انت مش لحسابه هو

علشانك مش علشانه هو … وانه شايفك انت مش شايف نفسه أو شايف أي حد تاني فيك …