فبابا كان يقطف العسل ويكون جايب عربية نص نقل يحمل العسل فهو كمان يشيل الصفايح الكبيرة دي ويحطها في العربية, فأقوله بس أنت ضهرك عنك انزلاق غضروفي يقولي أوعي تتكبري على أكل عيشك, الجملة دي أنا عمري ما فرقت خيالي الجملة دي إلي الآن معايا, مش عارفة أقولكم إيه ومش كلام عني بس هو ده اللي لازم يكون منتكبرش على أكل عيشنا, يعني عايزه اسأل كل ولد النهاردة قاعد بيتفرج على التلفزيون وقاعد على ألنت وبعدين يكمل سهرته على القهوة, ومقضي حياته كده والأم والأب راضين وساكتين, أيهما الأفضل إنك تأخد خبره أي إن كانت الخبرة ديت, عامل نظافة عامل توصيل عامل في مكتبة عامل في مصنع عامل ياعم أي حاجة عامل زبالة, أيهما الأفضل إنك تكون بتكسب رزقك بعرق جبينك بترضي أمك وأبوك اللي تعبه فيك, والنبي كمان مش عايزه كلمة إيه يعني هو كان أتعلم في كلية تجارة ولا آداب ولا حقوق علشان يشتغل عامل, لا يافندم ما هو لا ماكنش بيحصل ده لكن مش معني إن حصل غلط في تخريجه إن هو غير مؤهل لسوق العمل اللي لازم يخرجلة, فمش معني إني أعالج غلط بغلط تاني, انزل واشتغل فرصة الشغل هتديك خبرة اكتر هتديك حاجة احلي هتديك فلوس ورزق, هتنزلك وتعرفك على فرص اكتر لكن قعدتك في البيت مش هتوصلك لحاجة, ومرة تانية وعاشرة ومليون أفكرك بالسورين اللي جم مصر علشان يشتغله في كل حاجة ومحدش أتكبر على أكل عيشة وكلهم قاله تعظيم سلام لأكل العيش, حلقة النهاردة بتقول كلنا الحقيقة لازم نبقي طيبين مع أمهاتنا.
