وفاهمة كمان مخاوف ماما يعني أنتي مش شايفة ماما الحقيقة حد جامد وحد مش هتقدري تقربي منه، أنتي بتوصفيها أنها جميلة جداً أنتي بتوصفيها أنها فاهمة وعارفة، ولكن اتكلمي  برضو مع ماما واسمعي منها يمكن هي تقدر تقنعك أنبسطت لما لقيت الرد جالي كدة (الحمدلله أتكلمت مع ماما ولقيت بديل للكلية بديل إعلام أن أنا أدخل قسم إذاعة وتليفزيون في آداب أسكندرية، ثانياً عاوزة حضرتك تقوليلي أزاي أبقى بنت بدرجة إمتياز مش زي أي بنت عاوزة أكون بنت مختلفة عن أي حد وبعدين كاتبالي I Love You).

والنبي أنا كمان I Love You تسلمي على الكلمة الحلوة دي لكن خليني أقول بقى أن أهم نصيحة هقولهالك وأقولها لغيرك هي خليكي إنسان بمعنى كلمة إنسان خليكي فاهمة يعني  أيه بنت البنت في الحياة يعني أم وصديقة وأخت وبنت يعني صاحبة يعني إحتواء البنت في الحياة يعني ينبوع عطاء للكل كل اللي حوالينا أخ قريب أخ أب زوج والأمومة أهم أدوارها مهما طلعت ومهما عملت كان عندي أم يا ست البنات لما تشوف طموحي وأنا كمان كنت يمكن زيك بس أنا كنت دمنهور.

مش في أسكندرية بس هي الحقيقة وافقت هي وبابا أن أنا أدخل كلية الإعلام جامعة القاهرة وكان وقتها عندي 17 سنة سنة 1987، بس الأم دي رغم كل الطموح اللي كانت شايفاها فيا كانت تقوللي تبقي مذيعة تبقي صحفية وزيرة تبقي سفيرة تبقي رئيسة جمهورية، لكن في النهاية هتفضلي الحاجة الوحيدة اللي لازم تفضلي تخلي بالك منها أنك أنتي خدامة في بيتك أنتي اللي شايلة بيتك شايلة ولادك وشايلة جوزك وشايلة كل اللي حواليكي أوعي تنسي الدور دة والحقيقة،