هلّي

هلّي علَى خدّانها (1) يا سحابه
هلّي عليها لين ينبت بها الورد
علَى محلّه لين يخضر جنابه
وافرح بشوفه فرحةٍ ما لها حد
خلٍ سقاني في الهوَى من شرابه
ماصِدْ لَى جاني والَى جيت ماصَدْ
عزّاه يا قلبٍ تزايد عذابه
علَى الذي حبّه بقلبي تجدّد
اللّي رماني باربعٍ من حرابه
ثنتين من عينه وثنتين بالخد
يا عمري اللّي راح لا واسفابه (2)
وين الرّفيق اللّي عليه أبدي السّد (3)
(1) خدّانها: الخد الأرض المنبسطة.
(2) واسفابه: أي وا أسفاً عليه.
(3) السد: السر. والمعني هنا أين هو الرفيق الذي أُفضي له بدخيلتي.
r