ويقطع الصلات و يقطع التفاهم والحوار بيني وبين الاخر مع ان هوا في عمقه في عمق كل الاديان وطبعا في عمق الاسلام حوار يعني بلا حدود وقبول للاخر وبوجهة نظره بلا حدود .. لما سيدنا ابراهيم ياخد ويدي مع ربنا ويقوله طب وريني ..
– ارني .. ربي ارني كيف تحي الموتي
– طب يعني انت ما امنتش .. قاله لا امنت بس أنا من حقي اطمن
– ليطمئن قلبي ..
– لما بشر ضعيف يقول لربنا أنا من حقي اطمن اي ده .. ! ده الدين
– صحيح
– مش ان خلاص هوا ده ومفيش غير ده وللاسف زي ما حضرتك بتقولي الدين ساعات بيستخدم استخدام خاطئ واستخدام سيئ في كتير من المجتمعات بتاعتنا ..
– علي كل المستويات يا دكتور ؟
– علي كل المستويات ..
– من مستوي الفرد لمستوي الدولة ؟
– طبعا
– مقلب ومحزن الحقيقة .. لكن ده يخليني اسال سؤال تاني .. طيب أنا كأم او كأب بيتفرج علينا دلوقتي خلاص أنا المسؤولة عن نفسي والمسؤولة عن عيالي المفترض ان أنا اعلمهم اي عن الدين لتربية الضمير فلا يساء استخدام الدين ولا كمان ان أنا متديش للدين حقه .. ازاي اقولهم ده .. اربيهم ازاي ؟
– هنرجع تاني للتوقيت والجرعة .. يعني هوا لما اجي اعلم اطفالي مهم جدا ان أنا من جوايا يكون عندي مبدا اساسي ومهم جدا جدا جدا
– اه
– ان عملية تعليم الاطفال دي عملية رايح جاي
– صح
– صح
– يعني أنا زي ما بعلمهم .. أنا بتعلم .. مهم ان أنا تكون دي بدايتي ..
– صحيح.
