في جناح ليها علشان هي دي اللي عايزة تسيبه للبلد.
بس؟
بس، هو في أكتر من كدا؟
بس هي خسرت كمان كتير يا دكتور.
فاكرة لما قلت لك الأولويات في الأسرة عندنا واضحة جدًا؟ البلد أول حاجة وبعد كدا أي حاجة تانية؟ هي دي الأولويات متغيرتش.
الأسرة اللي زي دي مش محتاجة تتكلم على حب الوطن ولا الانتماء دي خلاص يعني الولاد شَبُّوا فعرفوا الأم والأب بيعملوا إيه فـ..
لأن حضرتك دايمًا الحاجة اللي الواحد.. الفعل أقوى من الكلام بكتير قوي حتى لو كان الكلام من الدكتورة “نعمات” إحنا لو شفنا أفعالها أفعال يعني على قد ما كلامها قوي قوة الرصاص على قد ما أفعالها أقوى من دا بكتير جدًا.. بكتير جدًا!
طيب دكتور/ أحمد طاهر اللي ورثه من الأم “نعمات أحمد فؤاد”؟
يعن يا رب أكون ورثت منها كتير لكن أعتقد إن أنا بكتب كويس، أعتقد إن أنا بقرا كتير، أعتقد إن أنا عندي ورثت منها مجموعة قيم واضحة، أولويات واضحة جدًا جدًا مفيهاش لَبس، مفيهاش شك، أعتقد إن أنا ورثت منها إن أنا.. إن الإنسان لازم ليه رسالة في الحياة، أعتقد إن أنا خدت منها إن الإنسان بيشتغل طول ما هو فيه نفس بيدخل ويخرج يبقى لازم يشتغل ويشتغل مش عشان يجيب فلوس بيشتغل عشان يفيد الناس عشان يعلم الناس عشان يتعلم علشان يبني علشان يعمر علشان يسيب حاجة كويسة للناس، اتعلمت منها طبعًا حب البلد بلا..
شعارات..
بلا طرفة عين.. بلا طرفة عين، حضرتك أنا خلصت أنا أخدت دراساتي العليا كلها في أمريكا الماجستير والدكتوراة واتعرض عليا إن أنا أقعد بكل الوسائل، أنا أستاذي لما عرف القرار
