ولد و بنت
ولد و بنت
ولد و بنت
كل الجنينة
ولد وبنت
يا حب حاسب من هنا
وردة ولد
و وردة بنت
كان فيه بِنَيّه
خرجت شويه
في المغربيه
قابلت وليّد
بص لها حوَد
و قال أهيا
سلم عليها
فهمت إيديها
قالت عينيها
خلاص آمنت
خجلانة هيا
و مستحيّة
لكن هنيّة
قال كلمة هوّه
و ف قلبه جوه
ناره القوية
قال يا آمالي
قالت يا غالي
غيرت حالي
ساعة ما بنت
الوقت مسَّا
و هي لسه
و لا هي حاسّه
آدم و حوّا
هي و هو
اتنين في قصة
لكن ساعتها
شافت ساعتها
رجعت لبيتها
و أنا …؟
حزنت ….
أنا اللي كاتب الغنوة ديّا
أنا الوليّد
صاحب البنيّة
اللي عيونها
قالت آمنت.
صلاح جاهين
