3 أوهام في الانفصال في العلاقات

إزاي تنسى شخص انت حبيته وانفصل عنك؟ علم النفس بيقول ان فيه 3 اوهام بيصيبو الانسان وقت ما يخرج من العلاقة سواء كانت علاقة حب او جواز او صداقة ايا كان

ولو قدرت تتخلص من 3 أوهام دول اوعدك ان انت هتنسى الشخص ده وبمنتهى السهولة كمان اول وهم بتحسو الشخص ده مش هيتكرر تاني وان انت عمرك ما هتحس الاحساس الجميل اللي كنت بتحسه معاه الا معاه وده طبعا وهم يعني مش حقيقة الحقيقة انك هتقابل حد وممكن يكون احسن منه بكتير كمان وهتعيش معه احاسيس عمرك ما حسيتها

تاني وهم هتحسه هتحس ان انت فيك حاجة غلط او ان انت ما تتحبش وان هو اكيد شاف حد احسن منك وده برضو وهم الحقيقة ان ما فيش حد أحسن منك كل إنسان فيه عيوب ومميزات وزي ما فيه اشخاص مش مناسبين لك انت كمان ممكن ما تكونش مناسب لاشخاص تانيين فما تخليش حاجة تهز ثقتك بنفسك

تالت وهم هتحسه انك تبقى مستني ان الشخص ده يرجع لك تاني وان هو بيحبك وتفضل عايش على الامل ده فاسأل نفسك هو لو كان عايز يكون معاك ايه اللي خلاه يبعد عنك ويبيعك ؟ ونصيحة مني اي شخص يبيعك ولا تتردد لحظة في ان انت كمان تبيعه فشوف حياتك وما تبصش وراك