الناجحين و العباقرة

سمعت قبل كده ان معظم من يدعون بأنهم
عباقرة بيلبسوا نفس اللبس تقريبا كل يوم هم فاهمين كويس جدا ان احنا بنصحى كل يوم
واحنا عندنا مخزون محدود من قوة الارادة والتركيز الذهني

 فبدل ما يضيعوا مواهبهم القيمة دي في قرارات
تافهة زي هايلبس ايه النهاردة زي هاكل ايه النهاردة?

 فهم بيحاولوا قدر الامكان يخلوا الحاجات دي
حاجات تلقائية بحيث ان تركيزهم وقوة ارادتهم يكون منصب على الانشطة المهمة فقط،
انت بتصحى كل يوم وانت عندك القدرة على اتخاذ قرارات محدودة. فلما تخلي القرارات
اللي انت بتتخذها على مدار يومك قرارات تافهة فما بيكونش عندك المقدرة انك تاخد
قرارات مهمة

 ويمكن ده اللي بيخلي معظمنا في نص اليوم خلاص ما
بقاش عنده القدرة على اتخاز اي قرارات او حتى عنده قوة لعمل اي شيء وتلاقيه بيقضي
النص التاني من يومه في مشاهدة التلفزيون ، في تصفح مواقع السوشيال ميديا ضبط
النفس هو بالظبط زي عضلاتك اللي لو اجهدتها جدا في التدريب فهتكون محتاجة لفترة
طويلة جدا من التعافي

 فحاول على قد ما تقدر تخلي قوة إرادتك وضبطك
لنفسك ما توصلش لمرحلة الانهاك.