محدش
هايحس بيك إلا نفسك ….!

هنتكلم عن مقولة بتقول NO Body Feels you but your self

 يعني ما فيش حد ممكن يحس بك غير نفسك؟ أسرتك
ممكن ما تبقاش عارفة حجم الصعوبات والضغوطات اللي انت بتمر بها؟ الناس اللي عندك
في الشغل مش عارفين متطلبات بيتك ومتطلبات حياتك؟ الناس كمان اللي حواليك ممكن ما
يبقوش مقدرين حجم المسئوليات والتحديات اللي انت بتواجهها؟ ما فيش حد عمره هيعرف
انت بتحس بايه كل ليلة؟ وعلشان كده بقول لك خلي بالك من نفسك؟ علشان ما فيش حد
ممكن يحس بك بنسبة 100 في 100 غيرنا؟ وعلشان تخلي بالك من نفسك في حاجات مهمة لازم
تعملها وتهتم بها؟ زي مثلا ان انت تتعلم انت تنسحب من الامور او العلاقات اللي
بتديك اقل من حقك؟ وتلاقيها بتاكل بروحك لان الحياة اقصر من ان احنا نجبر نفسنا
على الاستمرار في شيء ما بنحبوش لانه هيتحول مع الوقت لكبوس؟

 يا ريت كمان تورط نفسك في اي فرصة
جديدة؟ مهما كنت شايفها صعبة بالنسبة لك وانك تجبر نفسك على الخروج من منطقة
الراحة والروتين اللي انت عايش فيها؟ لان دايما النتيجة هتكون يا اما نجاح يسعدك
يا اما درس يعلمك؟ دور على الامور اللي بتحبها وعندك شغف اتجاهها واتمسك بها
ومارسها لان الشغف هو اللي هيساعدك انك تتجاوز الحزن والالم والفشل؟

 كمان حاول ان انت تشغل نفسك بالعمل
والانجاز؟ عشان الافكار السلبية ما تلاقيش طريقها لك؟ وحاول ان انت تتحدى دايما
نفسك؟ وانك تحاول ما تاخدش كل الامور بجدية في حياتك لان هتخلي حياتك متوترة
ومتعبة ومش هتقدر تستمتع بكل لحظة؟

 عايزينك كمان تكتشف سر سعادتك؟ بص
حواليك كده واكتشف الامور اللي بتخليك سعيد واعمل ذكريات سعيدة مع الناس اللي
بتحبهم وعيش حياتك بالطريقة اللي تريحك مش بالطريقة اللي تريح الناس لان دي حياتك
انت وانت المسئول عنها؟ وافهم نفسك كويس وقدرها واعرف نقاط قوتك واحسن استغلالها
واكسب اهدافك الشخصية والمهنية واشتغل على تحقيقها؟ وفي النهاية يا ريت ما تستسلمش
للالم والحزن او تحاول تنتقم من حد ازاك او جرحك؟ وحاول انك تحول الالم ده لطاقة
تدفعك لقدام؟ لان هو ده افضل وسيلة للرد على إيذاء الناس