3من اصل3
اللي هايدور هاهيلاقي انه ( غالبا ) كل حد مننا دفن جزء ( واحد علي الأقل ) من نفسه الحقيقية في احدي مراحل حياته لسبب أو الأخر .. اللي دفن تلقائيته .. اللي دفن شعوره بالحرية … اللي دفن طفولته و فرحتها و انطلاقها … اللي دفن صوته العالي و قولانه لكلمة ( لأ ) .. اللي دفن بعض قدراته و امكاناته .. و طبعا في مجتمعنا ( في غيره ) .. اللي اضطرت انها تدفن أنوثتها .. و اللي اضطر انه يدفن رجولته ..
و يعيش الواحد حياته كلها ب ( نفس مزيفة ) طافية علي السطح .. و ( نفسه الحقيقية ) مدفونة في القاع …
محتاج توضيح ؟ عاوز أمثلة ؟
لا.. مش هاديك أمثلة …
أنا هاطلب منك تبص حواليك ( بلاش يا سيدي تبص لنفسك )
انت عارف الطفل اللي صوته واطي و بيمشي يبص في الأرض ؟ اللي بيقولوا عليه ( مؤدب ) و بيسمع الكلام و ما بيقولش ( لأ ) … عارف ده ممكن يكون دفن ايه ؟ ممكن يكون دفن طفولته الحقيقيه و تلقائيتها و حريتها و قدرتها علي الاعتراض و المواجهة و اخذ الحق .. و طلع مكانها كائن مستسلم ’مسالم .. مالهوش لا لون و لا طعم و لا رائحة ( ده مش معناه طبعا ان الطفل المتمرد العنيد هو الطبيعي ) …
عارف الطالب اللي مش بيعرف غير المذاكرة .. و هدفه الوحيد في الحياه انه يجيب الدرجة النهائية و يطلع الأول علي العالم .. اللي مش بيعرف يلعب .. و لا يعرف يهزر .. اللي مش بيخرج مع حد .. و لا يحب يقعد مع حد … لا يطلع رحلة .. و لا يسافر سفرية …. الشاب اللي علاقته بالكتاب أهم من علاقتة بنفسه حتي .. اهو ده ممكن يكون دفن ابداعه و حي
