مساء الخير على حضراتكوا يا رب تكونوا بخير وإرادة، اللي هي كلمة السر لأي حياة

أنت عايز تعيشها بشكل كويس الحقيقة ليه؟ لأنه الحياة من يوم ما نزل آدم على الأرض وساب الجنة وهي كلمة السر، الإرادة هي اللي خرجت آدم من الجنة ﴿وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا﴾[طه:115]، والإرادة هي اللي خلت آدم يتعلم كلمات يتقرب بيها لربنا، علشان يغفر له خطيئة المعصية لأوامره، ويكمل بيها حياته، وحياة البشرية كلها على سطح الأرض في رحلة وصفها ربي وربك بالمعاناة والألم، ﴿لَقَدْ خَلَقْنَا الإِنسَانَ فِي كَبَدٍ﴾[البلد:4]، ﴿وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنفُسِ وَالثَّمَرَاتِ وَبَشِّرِ الصَّابِرِينَ﴾[البقرة:155]، ﴿الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ﴾[البقرة:156]، وهكذا يا سادة  تبقى الإرادة هي المهدئ لآلامنا والمحفز لبقائنا، ونجاحنا وتخطي المواقف الصعبة، ويا بخت مين قدر يواجه خوفه وآلمه وفشله وإحباطه وأي كتف شرعي أو غير شرعي في الحياة.

والصعب فيحياتنا الحقيقة مبيبقاش بصعوبة دراسة، أو فشل جواز أو خسارة شغل أو فلوس، أو فراق حبيب أو وطن، الصعب هو كل حاجة توقف خطوتك أيًا كانت خطوتك، ومين اللي بيعملها رب أسرة علشان يوفر احتياجات بيته وأسرته، مدير عايز مؤسسته وشركته تنجح، أم شايفة التحدي في إنها تعدي بولادها لبكرة بأمان، شعب بيتحمل علشان يطلع ببلده لقدام، كل خطوة وأي خطوة محتاجة طول الوقت إرادة وصبر وشغل وتعب والتزام، كلنا محتاجين نتعلم من الحياة ممكن تكون قاسية أو ضنينة العطاء ولكن في النهاية ربك مبيسيبش الملتزم اللي مصر يعدي المشكلة بإرادة، مش مهم تمتلك أيه أو معاك أيه، أو إمكانياتك أيه، المهم أنت تقدر تتحمل