يوم ما كنت معاه في ألمانيا سألته في 2010 كنت فخور بذاتك؟ قال لا كنت مرعوب، شوفوا نزل أزاي، دا المبنى الإداري في النهاية اللي هو كان كدا، كان واقف بالطول، أتبنى بالطول، قالى أنا كنت مرعوب لأني كنت بنزل سم واحد كل ساعة وأي غلطة هتحصل فيها كوارث والألمان يفضلوا ماسكين فيكي كويس أوي طول ما أنتي ناجحة، أول ما تغلطي يسيبوكي تقعي في بير غويط محدش يسمع صوتك فيه، لكن ينجح المصري هاني عاذر بإرادته، اللي أثبت فيها إن مفيش مستحيل وإن ربك مبيضيعش تعب أي حد يتقن عمله، النجاح إرادة محتاجة صبر وتعب وتمن بيندفع لأن مفيش نجاح من غير تمن، وكمان مفيش استقرار من غير فعل، تتحمل الألم فيه علشان تقدر توصل للي أنت عايزة، بالظبط زي اللحظة اللي أحنا فيها النهاردة وأسمحولي أبث لكوا خبر موجود على كل المواقع حاليًا إن صندوق النقد الدولي بتاريخ 11/11/2016 قرر أن هو أو وافق على منح مصر القرض 12 مليار دولار على أربع سنين يبدأ تسليم الجزء الأول فيها في خلال الأسبوع الحالي قيمته 2.75 مليار دولار، أهمية القرض مش بس اللي أحنا نكمل استثمارات أتمنع عننا من خلال سياحة، من خلال تراجع نمو عالمي أن أحنا نكملها لكن كمان أن يحصل السيولة.

أرجع بحضراتكوا للحظة الاستقرار اللي أحنا كلنا لازم ندفع تمنها، مش بس في قرارات اقتصادية كانت مهمة لكن في تحرير سعر الصرف، وتخفيض المرحلة الثانية من دعم الوقود، قرارات كانت مهمة؟ أيوه؟ موجعة؟ جدًا، مهمة لأن بعد أسبوع مر عليها النتيجة رغم ارتفاع الأسعار ودي جزئية قبل ما نشرح اللي حاصل بعد أسبوع من القرارات دي،