حاجة متسابة للصدفة، كتابات كتير الحقيقة بتتكلم في الموضوع دا، ممكن تصدقها وممكن تقول محض خيال لكن اليقين اللي جوايا في كل اللي بيحصل أن الوعي أساس معركة كل العالم بيخوضها، ونرجع لترامب يا طيبين اللي اندلعت في أمريكا مظاهرات رافضة لنتيجة انتخابه مظاهرات تخليك تسأل وفين الديمقراطية؟ والصندوق؟ واختياراته، ورغم المظاهرات دي، المفترض ووفقًا للعرف الأمريكي هتجرى مراسم تنصيب الرئيس ترامب، الرئيس ال 45 لأمريكا يوم 20 يناير2017، الحاصل دلوقتي عملية تسليم وتَسلم بتقوم فيها كل مؤسسات الدولة بإطلاع الرئيس الجديد على ملفات البلد الداخلية والخارجية بما فيها الرئيس الحالي باراك أوباما، زي ما حضراتكوا شايفين دي بعض مشاهد أو لقطات للمظاهرات ضد ترامب أمبارح بعد إعلان نتيجة فوزه على هيلاري كلينتون.

بيقوم الرئيس المنتخب بأخد كمان موافقة لجان مجلس الشيوخ على تعيين أنصاره في المواقع المهمة، وزارة الخارجية، الدفاع، المالية، وخلي بالك من كلمة أنصاره، لأنها لازم تفكرك بكلمة عشيرته، ودي حقيقة لأن أي رئيس أمريكي مرتبط باتفاقيات غير رسمية مع النخبة اللي ساعدته بالفوز في الرياسة، ولازم يقدمهم لشغل مناصب في الدولة، لأن دي اتفاقيات بتم أيام الانتخابات، دا برضه في الدول الديمقراطية.

المهم بيقول لحضرتك أنه شكليًا لا يملك الرئيس ترامب أي سلطة لحد ما يتسلم السلطة رسمي يوم 20 يناير 2017، لكن يقدر يقصر في اتخاذ القرار وبيضرب الخبراء مثل باللي حصل سنة 2000، لما كان بل كلينتون رئيس الولايات المتحدة الأمريكية، وجورج دبلو بوش الابن منتخب وكانت الإدارة الأمريكية مشغولة وقتها بزيارة تم إعدادها مسبقًا إلى كوريا الشمالية، لكن أصر أعضاء حكومة بوش على إلغاء الزيارة ودا اللي تم بالفعل.

بعيدًا بقى عن فرحة